拉芬夏比洛尼在PSG身上梅開二度，發揮得好好。AP
剛剛過去4場嘅歐聯賽事，小弟都有睇足，第一日自己睇而第二日就同成班朋友一齊睇，兩種睇波嘅方式都令我有唔同嘅體會。
第一日阿仙奴對拜仁，兩隊波發揮都唔係自身頂級水平，阿仙奴今季穩健嘅發揮，強勁嘅防守，但因為太耐冇參加過歐聯，而見到一啲球員腳震，大衛拉耶和積及基奧柯都略顯緊張，導致失誤令對手把握到機會；而拜仁一方正是褪色嘅強隊，尤其係左閘位置艾方素戴維斯今季一場好波都冇，整體表現都浮浮沉沉，更加被沙卡仔打爆咗。一個人睇波就係會注重喺細節同埋戰術嘅部署，會更加享受自己一個人激情，拍條Reel同大家分享下感受。
第二日巴黎聖日耳門對巴塞，兩隊波可以話都好高質素，只要有一個機會就可以入波，基利安麥巴比同奧士文尼迪比利嘅組合都係表現出好高質素，一個人可以吸引2、3個對手，拉芬夏比洛尼成場波發揮得好好，仲可以梅開二度。但一班人睇波就係開心，會不停睇唔同比賽一齊嗌、一齊笑、一齊叫、笑下你、笑下我，一大班人一齊食住嘢睇好波。
足球嘅本質就係咁，各有各享受，一個人睇波可以好Enjoy，好似球迷咁感受場波。而一大班人睇波，就係大家笑下大家，最後都係要老套講句：「足球就係最好嘅朋友。」Willhappy
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
