金像獎2024｜第42屆香港電影金像獎（The 42nd Hong Kong Film Awards）頒獎禮昨晚（14日）已經圓滿落幕，最佳男主角由梁朝偉憑《金手指》奪得，今次是梁朝偉第六度在金像獎上封影帝，對上一次稱帝已經是2004年憑《2046》。身在德國的梁朝偉以視像形式出現，想不到梁朝偉的表情竟成為網民焦點。
相關閱讀：金像獎2024丨《金手指》梁朝偉六度奪最佳男主角 與劉嘉玲打情罵俏：畀我講埋先好冇
金像獎2024｜梁朝偉表情逐格睇：
梁朝偉演技達神級
今次是梁朝偉相隔20年再度稱帝，因為目前正在德國拍劇的關係，於是以視像形式出現，在頒獎嘉賓古天樂和袁詠儀宣布獎項期間，梁朝偉大部份時間都是靜靜地望着鏡頭，未見有太多表情，有網民留言以為當時只是播放著梁朝偉的照片，直到梁朝偉眨眼才知原來是真人，笑稱想不到梁朝偉的演技已經達到神級：「梁朝偉原來扮一張相都可以扮得好似。#見眨眼先知係Zoom。」雖然只是視像，梁朝偉依然以黑西裝上陣，但全程只見上半身，於是又有網民好奇留言，究竟梁朝偉下半身是甚麼裝扮？有網民笑言：「唔知佢係咪着住內褲？」
劉嘉玲讚梁朝偉「好偉大嘅演員」惹爭議
頒獎嘉賓古天樂邀請劉嘉玲上台代老公領獎，劉嘉玲和梁朝偉公然打情罵俏本來相當溫馨，劉嘉玲還大讚梁朝偉是「好偉大嘅演員」：「我覺得一個演員呢佢可能付出100分嘅努力、200分嘅努力，但梁朝偉先生係付出咗500、1000分嘅努力，（唔係，我覺得大家都付出咗好多努力嘅），所以我覺得我哋香港有個咁偉大嘅演員。」對於這番另類愛的宣言，有網民覺劉嘉玲不懂得大月體：「當一啲高調嘅喜事降臨在老公身上，老婆其實係需要低調。」、「梁朝偉點頂佢咁多年？」、「梁朝偉不嬲唔係追求呢啲，枕邊人都唔了解佢，係唔係要檢討下。」
但亦有人覺得劉嘉玲表現沒有問題：「讚自己老公無問題，自己老公一定最好！」、「老公太謙，又唔會講心底說話，老婆出嚟讚幾句，老公好叻都唔得，有咩要檢討？佢兩公婆好互補，冇咩問題！」、「嘉玲姐除咗係佢老婆，仲係佢經理人嚟，經理人都唔幫自己藝人抬橋， 邊個做？」甚至還有人說：「N年前梁媽媽訪問已經話多謝劉嘉玲肯同梁朝偉一齊，因為佢除咗出門拍戲之外，就係匿埋喺房，連廳都唔出，係劉嘉玲先可以叫到佢出門口，唔知人哋點相處嘅花生友就收聲喇！」更有人說：「如果我老公係梁朝偉，點解要謙虛？」
梁朝偉曾公開感激《430穿梭機》監製林麗真：
