梁思浩主持的TVB Plus直播節目《直播靈接觸》自播出以來，觀眾外界反應不俗，而梁思浩開設新的YouTube節目亦受歡迎，在網上惹來不少迴響。梁思浩日前在社交平台貼上與好友向展鵬的合照並稱「發現我們身邊有一位女性不停講我是非！」，結果梁思浩的留言惹來網民不滿，雙方展開了一輪罵戰！
相關閲讀：獨家丨梁思浩最想主持烹飪節目教劏雞 《通靈》奪獎拍第二輯可封古裝街拍攝
梁思浩日前貼上與向展鵬合照後說：「認識咗30年，很久沒有談談往事，才發現我們身邊有一位女性不停講我是非！最恐怖嘅就係佢見我面嘅時候，扮到若無其事！Jeffrey問我嬲唔嬲？我只係答佢呢啲人喺娛樂圈大有人在。！我從不介意，也不生氣！你看看呢個女人個女兒，你就知道佢已經有報應！我又何須嬲呢？」梁思浩還說：「佢個女會衰一世！人在做天在看，若然未報……..只係時辰未到！報應一定落喺自己嘅兒女或自己嘅父母身上，所以凡事行正路！心正必有運。」
梁思浩留言惹來不少迴響
梁思浩的留言惹來不少迴響，有人說：「村長，何須為呢啲講是非的女藝人而動怒， 更何須為呢啲人而招口孽！ 人在做天在看因果報應， 唔好因為一時嘅憤怒而上當啊！」、「其實報應真係會報係自己錫嘅人度 如果女明星停講是非 可能個女就會好好多 真係唔奇㗎 我覺得村長係咁嘅意思囉！」、「講乜都係假，因為件事唔係發生喺你哋度，畀人講是非係人都會唔開心㗎喇，正常呀！」但有網民覺得梁思浩說過火：「只有導人向善，不要話報應在人父母仔女身上，聽到唔舒服，想唔到出自你口」、「報應一定落去自己兒女或者自己的父母身上，唔係咁好喎。佢哋無辜㗎，一人做事一人當啦」。
還有網民直斥：「關佢個女咩事？！況且佢都係講事非，不至於講到個報應要落到仔女身上而你覺得心涼啩。。仲要衰一世？啲思維好恐怖！」梁思浩企硬反擊批評：「冇嬲佢啊，請你細心睇留言，我只係想講每一個人做嘅嘢，因果循環，報應係會落咗自己嘅下一代，所以想自己嘅下一代好記得要多行善積福。」其後亦有人說：「村長，無論對方怎樣講，咪由他/她吧！把口生在人哋到。切記，做人要即口德。」梁思浩亦有回覆：「放心，我絕對冇嬲佢！我喺度講緊因果報應，所以我哋今生要多行善，為自己嘅下一代積多一點福。」
梁思浩曾甲因被糟質拒再拍周星馳電影：
梁思浩不時在網台節目爆娛樂圈是非
其實過往梁思浩不時在主持的網台節目爆娛樂圈中的化妝間是非，梁思浩曾說有一位叫是「癲婆」（化名）的女藝人，四出打探很多男藝人的聯絡方法，又自稱「跟她合作可以到荷里活發展」，梁思浩表示曾有圈中好友囑咐他要小心「癲婆」：「如果有女士出來說你揩油，你估一般人會信哪一個？如果她約你一定要小心，分鐘鐘會屈你、嗌救命發癲。」
梁思浩又曾提及另一名TVB女藝人「妖怪」（化名），經常跟男藝人開心傾偈，但轉個頭卻對化妝師投訴：「佢頭先𥄫住我對波！」不過這個涉事男藝人根本沒有做過，「妖怪」只想用這件事來提升地位。 後來「妖怪」與一名60多歲的資深男藝員傾偈後，轉頭「妖怪」就眼泛淚光地跟一位化妝高層投訴，指控該男藝人望著她的胸部，誰知被高層直斥：「你有病呀？有病就睇醫生啦！佢都唔鐘意女人！」
TVB女藝人在化妝間屈男藝人非禮
梁思浩還曾大爆有位TVB女藝人在化妝間屈一名男藝人非禮，他憶述該名女藝人外表清純、楚楚可憐，並指控有男藝人在化妝間對她「揸波」，但由於該名男藝人一向形象正面，在梁思浩質疑下，女方才改口風稱只是「覺得」被對方掂到，最後這個女藝人也不敢報警，但事件傳開，所有男藝人都和她保持距離。
梁思浩曾爆男藝人生吞貓
除了女藝人外，梁思浩更曾表示當年在《K-100》看到一個男藝人的訪問，提到自己會用一種補品令雙眼炯炯有神：「佢話每次返國內拍戲，都叫劇組『咁樣咁樣』。不過就以「唔方便講」為由拒絕透露更多。」後來梁思浩從一個劇務口中得知驚人事件，原來係生吞貓眼當補品，不過梁思浩拒絕透露生吞貓眼藝人的身份，只強調希望大家不要再虐待動物，而且事件發生多年，這位藝人「仍在生不過已非常年老。」雖然梁思浩惹來網民狂轟，不過苑瓊丹亦擔示曾親耳聽聞！
梁思浩拍攝電影《國產凌凌漆》曾有不快經歷
梁思浩早年拍攝電影《國產凌凌漆》曾有不快經歷，梁思浩一度暗許承諾，再不會拍周星馳的戲，事隔多年，梁思浩在節目討論事件，事情竟然出現大逆轉！梁思浩與周星馳可算是識於微時，在1994年，周星馳找來梁思浩拍《國產凌凌漆》，酬勞是1萬一組，梁思浩表示去到現場叫對方做「星仔」而遭無視，最後劇組人員提醒他要要「導演」。埋位後，周星馳大聲問他「識唔識喊呀演員！」當時他天真地說：「『識，我喺行頭裡出名好喊得吓』。周星馳就回應『咁勁呀！好呀！而家講你打靶，拍吖。死過老竇未呀？死老竇咁喊畀我睇』。我再問對白呢？周星馳嬲嬲地回答『唔使對白，1、2、3、4咁數到100，拍吖』。」結果他由朝早10點喊到凌晨5點，喊足17次，拍完後李力持竟然話除咗第一take外，之後全部無開機拍！他才醒覺自己被玩。
李力持多年後有在電台公開向梁思浩道歉，當時梁思浩激動地表示自己就算將來做乞兒，都不會再拍周星馳嘅戲。其後羅泳嫻就用塔羅牌「睇」到原因當時星爺針對嘅並不是梁思浩：「佢當日想整蠱、想針對嘅對象係你隔籬嗰位。佢當時見到『尊爺』（鄧兆尊）、呢個公子嚟拍戲，屋企大把錢冇咩捱過，畀你受吓先！因為佢鍾意人由低做起，佢覺得佢靠父蔭……」梁思浩「恍然大悟」回應：「哦……原來事情真相係咁……呢個版本我認同，我諗我嬲錯周星馳，假設佢唔喜歡梁思浩，拍完《國產凌凌漆》佢唔會再嚟搵我。」梁思浩再自爆星爺曾找他出演《食神》入面，祝文君演「城市睇真啲」的記者角色，不過當時梁思浩氣在心頭而一口拒絕，星爺之後再透過製片人，表示出演的價錢同時間任佢開，但梁思浩仍然企硬say no唔拍。
其他文章：
直播靈接觸丨75歲顏國樑患癌昏迷遇靈異事險踏鬼門關？太太做一事為夫續命
直播靈接觸丨新馬師曾報夢做媒人？ 鄧兆尊三奶被硬銷：佢都唔係我鍾意嘅款
梁思浩生日獲送蛋糕慶祝 相信運勢每十年有巨變 部署淡出幕前享受生活
--------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
