49歲的盧巧音（Candy），出道逾25年，她早年憑住《垃圾》、《好心分手》、《三角誌》等歌曲曾橫掃樂壇多個頒獎禮獎項，紅極一時，更被視為楊千嬅與容祖兒的勁敵，有望成為天后級人馬。盧巧音卻在事業高峰之際患抑鬱，今日（29日）盧巧音在IG發長文分享戒安眠藥及戒咖啡的心得，她試過不少方法，但最終都是憑意志成功戒掉，「為咗自己為咗我老公，一戒就戒」。
相關閱讀：49歲女歌手公開止經痛秘方 網民激讚多用途：作嘔作悶止胃痛都掂
盧巧音分享戒安眠藥心得：
盧巧音成功戒掉廿多年服安眠藥習慣
盧巧音的堅持令她成功戒煙、戒咖啡、戒可樂，最近更成功戒掉吃了廿多年的安眠藥習慣。今日盧巧音在IG發長文分享戒安眠藥的心得，她透露很多朋友好想知道她是怎樣戒掉安眠藥，「其實我都食得幾勁，可以話上咗癮，而上年6月因為某個原因入咗醫院（唔係OD），之後我就決定戒咗佢」。
盧巧音續指，她在網上搜尋了很多有關的資料，亦都有說明安眠藥的副作用，「所以我決定一粒都唔再食，然後有朋友叫我試吓食supplement，食咗一排發現都無乜幫助，咁就決定靠自己。」盧巧音試過睡前點香薰或者香油，亦儘量克制自己不玩手機，可以的話做些伸展拉筋運動令自己放鬆，「一晚瞓唔到兩晚瞓唔到，始終會瞓到，係嘅，戒咗之後嘅一至兩個星期係會辛苦啲，不過為咗自己嘅身體，唔食就唔食。」
盧巧音與老公恩愛照：
盧巧音戒咖啡
盧巧音又提到自己已經戒了咖啡，不需要再飲，「以前每朝我一定要飲一杯咖啡，甚至兩至三杯，但係因為甲亢問題，自己都睇咗好多資料，發現咖啡因對心跳影響好大，而甲亢本身就係會影響心跳，都會影響情緒，所以為咗自己為咗我老公，又係一戒就戒。」盧巧音稱自己突然想飲咖啡時也會喝一小杯，「鍾意飲先至飲，出trip嘅時候，去到一啲特別嘅咖啡店都會飲一小杯，中午lunch之後就一定唔會飲，因為一定瞓唔到，就算可口可樂我都唔再飲，因為佢都會令我瞓唔到，我亦都唔需要飲啲decaf嘅咖啡，因為冇咖啡因嘅咖啡一啲都唔香，所以我更加唔想飲。」
不少朋友問盧巧音怎樣可以不喝咖啡，不再食安眠藥，「我真係唔識答，只係唔想依賴某一樣嘢去生活，灑脫啲好啲吖嘛！其實世界上都無乜邊樣嘢係一定要食㗎啦！正所謂：無話邊個無咗邊個唔得！總之自己睇多啲資料，為自己身體着想，人不為己天誅地滅，幫到自己先至可以幫到其他人，一定要加油，你哋一定會做到！」網民在帖文大讚盧巧音成功戒掉安眠藥戥她高興，「真係無得解㗎喎，只要自己唔放棄就會成功，見到你而家健健康康有返啲肉地真係好戥你開心，一齊健康落去」、「勵志！捨得」就係你放低一啲嘢，宇宙做俾返一啲嘢你」、「您份堅持冇得頂，記得繼續用嗰份堅持去善待自己」、「好強大嘅信念」。
盧巧音在事業高峰患抑鬱
盧巧音於2002年憑《好心分手》一曲令她橫掃多過頒獎禮，更勇奪「叱咤樂壇我最喜愛的歌曲」、「叱咤樂壇至尊歌曲」大獎，人氣一時無倆！當時盧巧音正處於事業的高峰期，事業可說是一帆風順，亦因此令她感到無形壓力，導致身心俱疲，同時盧巧音的身體響起警號，患上了抑鬱症。在2013年盧巧音跟年輕4載的樂隊Kolor主唱蘇浩才（Sammy）結婚，婚後亦因為工作繁忙及壓力，令她再度出現情緒問題及患上抑鬱，體重暴瘦至90磅，更出現頭髮、眉毛脫落。盧巧音幸得老公蘇浩才一直在身邊陪伴及照顧她，但蘇浩才因過份擔心老婆，令他不知不覺間也患上了抑鬱症。
盧巧音夫婦雙雙患上抑鬱症，幸好兩人不離不棄及一齊接受適當治療，並靠運動舒緩壓力，令他們的情緒問題得以改善，亦因此更鞏固了兩人的夫妻關係，感情更深厚。
其他文章：
渣打馬拉松2024丨「大小姐」林淑敏素顏look先贏何沛珈 73歲資深女藝人率先報喜成功完成賽事
盧巧音突掉《勁歌》獎粉絲嘆可惜 樂壇獎座屢遭棄置街頭掀緝兇潮
未來音樂選頒獎典禮丨盧巧音自爆曾遭前輩歌手奇怪眼光注視 KOLOR不介意伍仲衡讀錯歌名
柬埔寨騙案︱馬蹄露帶貨被走數唔見兩層樓 嚴淑明險中招盧巧音都有份
緊貼最新最快新聞資訊，請立即下載星島頭條App：https://bit.ly/3Q29Vow
