劏房問題存在多年，關注團體批評劏房阻礙兒童身心發展。社築同夢社區發展服務上月31日至今日（2日）於銅鑼灣時代廣場舉辦「兒居不宜居—深水埗劏房兒童畫展」活動，展出50幅由深水埗劏房兒童創作的畫作。主辦方表示，展覽讓小朋友發聲，表達成長需要，冀觀眾不再以可憐的目光看待劏房居民。有參觀市民稱，儘管小朋友在畫作抒發住在劏房的不快，但亦不失對未來的期盼，令人深思。
畫作充滿童真
記者所見，50幅畫作都抒發出小朋友各自對成長及居住在劏房的獨特感受，充滿童真及感染力。小朋友畫作及文字真摰動人，充滿童真：「從出生開始就住在一個很壓抑的小房子」、「見到自己屋企好嬲，因為屋企太細」、「想要隻Hello Kitty」、「希望有間房」、「想要有窗，有梳化，有大檯」等，吸引不少人駐足細看。有途人即場寫下心意卡，鼓勵小朋友努力向上，改變命運。
冀床頭有個窗 夜晚瞓覺可以睇星星
現年7歲的簡小朋友今年就讀小一，她的作品《一個超級超級鍾意的家同一個唔鍾意的家》描繪她現時居住的120平方呎單位及夢想中的家。她表示現時單位擠逼，一家四口睡在「碌架床」，經常因噪音滋擾難以入睡。而她夢想是擁有屬於自己的床位，以及「冷氣凍啲」。
而今年就讀小三的張小朋友作品《我的家》，同樣描繪現時的居所及夢想家園。她表示，一家5口住在細小的劏房單位，夏天非常炎熱，希望有自己房間，「有花樽，床頭有個窗，夜晚瞓覺可以睇星星。」她亦表示，知道香港即使有大學學位都可能要住在劏房，冀政府建更多公屋。
來參觀的馮小姐表示，以往多以成人角度描述劏房居住環境，今次展覽由小朋友角度出發，令她耳目一新，「其實小朋友嘅睇法可能真實啲 。」她提到展覽其中一幅圖畫描繪兩姐妹睡在一張床上，令她想起電影《但願人長久》，「想做啲乜都冇安全感，呢啲都係住劏房先會有」；但該幅圖畫同時畫出了兩個公仔玩具，反映小朋友即使有不快樂，都依然心懷希望，「就好似啲心意卡上面咁寫，唔好俾生活喺劏房困住自己嘅夢想。」
冀觀眾以同理心結伴同行
畫展項目統籌林健龍表示，去年展覽在西九龍中心舉辦，今年希望接觸到更多非劏房居民，故跳出深水埗，移師到相對摩登的銅鑼灣時代廣場。他續指，小朋友房屋需要與成人不同，希望提供平台讓他們自由發揮，表達成長需要，「小朋友冇劏房概念，佢哋只係知道空間大定細，夠不夠地方去玩，有冇空間同屋企人相處，呢啲先係佢哋真正嘅需要，而唔係話單單追求唔要住劏房，要有一間幾大嘅屋。」
林健龍又指，展覽亦希望觀眾不再以可憐的目光看待劏房居民，而是要帶有同理心，「知道咗佢哋嘅成長環境係咁，如果我係佢，可能我都會好唔開心」，最終令劏房居民感到有人結伴同行，「唔係永遠都覺得自己好慘，都可以踏出第一步去改善自己嘅環境，就係同大家講，雖然環境好差，未必滿足到我需要，但我都會好努力去搵方法為自己發聲，去改變。」
記者 蕭博禧
---
緊貼最新最快新聞資訊，請立即下載星島頭條App：https://bit.ly/3Q29Vow
