胡渭康率「中音生」開慈善騷送驚喜 18歲孺仔高大威猛鄭梓浩唔恨做星爸丨獨家

胡渭康首次以歌手以外身份，率5名「中音生」顏米羔、鄭梓浩、黃劍文、涂家堯等做3場慈善演唱會，既有歌唱又做慈善探訪，回饋社會。黃劍文、涂家堯還會關顧流浪動物。負責拍攝宣傳海報嘅顏米羔滿意效果，他認為只要有善心，自然影得靚；至於最近鄭梓浩細仔被網民形容係標準美男子，大讚一屋靚人。採訪：方騫平攝影：朱偉彥場地：唐述

黃劍文(前左起)、胡渭康、鄭梓浩、顏米羔(後左起)、涂家堯好有善心。

黃劍文(前左起)、胡渭康、鄭梓浩、顏米羔(後左起)、涂家堯有得唱兼有得行善。

黃劍文、胡渭康、鄭梓浩、顏米羔、涂家堯係嶄新組合。

鄭梓浩、顏米羔係親密戰友。

黃劍文、胡渭康、涂家堯合作愉快。

由胡渭康策動的《音樂．人生我們都是唱這歌慈善演唱會》將於下周4至6晚(27 - 29日) 在文化中心大劇院舉行，胡渭康事先張揚演出有驚喜：「唔係一個拼盤show，有啲歌估唔到會係佢唱，但又唱得咁好，仲會有勁歌熱舞。」

顏米羔好搞笑。

黃劍文《中音2》後工作量漸多。

55歲鄭梓浩係型男。

胡渭康策動3場慈善演唱會。

涂家堯好愛動物。

演唱會宣傳海報由顏米羔操刀拍攝。

黃劍文涂家堯為動物發聲

胡渭康指今次演出組合除咗係唱得之人，共通點會去做義工，到老人院及醫院探訪，至於黃劍文、涂家堯負責埋動物界，涂家堯曾托45隻貓咪份量糧及貓砂行10層樓探訪流浪貓院舍；黃劍文帶同結他為浪流狗唱歌，劍文開心透露：「啱啱幫到一隻被棄養，3個月大嘅狼狗BB女尋找到愛心主人，新主人間屋好大，好啱大狗走動。」愛心爆棚嘅涂家堯說：「咁佢哋唔識得求助，全靠動物義工幫手。」胡渭康唔排除將來成立義工團，鼓勵大家多行善。作為導演的顏米羔帶埋助手為音樂會拍攝宣傳海報，只花15分鐘就完成任務，排位零難度，圍繞住先驅胡渭康：「咁個個心地善良，點影都靚。」

胡渭康率「中音生」做善事。

黃劍文為3個月大嘅狼狗BB女尋得愛心主人。

黃劍文到泰北探訪。

大受泰北小朋友歡迎。

仲做埋老師。

黃劍文唱歌畀狗狗聽。

黃劍文到大樹下動物庇護站探訪。

黃劍文和梁詠琪都係貓癡。

鄭梓浩為懲教署第一屆「更生伙伴」嘉許計劃頒獎典禮擔任表演嘉賓。

「大隻仔」涂家堯曾托45隻貓咪份量糧及貓砂行10層樓探訪流浪貓院舍。

涂家堯到流浪貓舍探訪。

涂家堯常做貓義工。

涂家堯係愛貓之人。

顏米羔唱歌同時，唔會放棄做導演。

顏米羔首次參與電影，係為《大城小事》拍攝花絮。

顏米羔親自執導電影《私人會所》床戲。

另外，55歲鄭梓浩於《中音2》後獲讚似日本型男，成為新一代的「師奶殺手」！最近從鄭梓浩分享18歲細仔一段游水片段，網民更意外發現鄭梓浩嘅孺仔同樣係高大靚仔，還心急追問幾時出道？鄭梓浩坦言有經理人公司邀請兒子影時裝雜誌，亦曾有人想推薦他參加《全民造星》：「我唔反對亦唔會鼓勵佢入行，不過，佢明年升讀大學，應該唔會放棄學業。」鄭梓浩爆囝囝好乖好向學，好鍾意睇書，為咗體驗生活會做兼職。