捷克對住實力較弱的土耳其，捧單W無煩惱。AP
剛剛呢個周末，小妹做咗YouTube《猜波台》睇波活動嘅座上客，除咗一齊見證格魯吉亞取得歐國盃決賽周史上第1分之外，最重要係活動氣氛非常好。希望《猜波台》以後多搞睇波派對，大家亦多多支持啦！
睇波派對上，見到捷克狂攻格魯吉亞，仍然只能和1:1，最後一輪要同土耳其正面交鋒，必須全取3分先可以直接出線；土耳其喺首兩戰表現並非特別亮麗，第一輪贏格魯吉亞有僥倖成分，對住勁旅葡萄牙更以0:3大敗，估計難以抵擋決心爭勝、預計會主動進攻嘅捷克，呢場周四凌晨3時上演嘅賽事，投注上我會簡簡單單選擇捷克主勝。
另一邊廂，出線形勢最混亂莫過於E組，4隊各贏1場同得3分。因此周四凌晨零時上演嘅烏克蘭對比利時、斯洛伐克對羅馬尼亞，都會係對攻生死決鬥，不妨將兩場串埋入球大過關。Vicki趙小姐
