TVB節目《東張西望》今日報導一部價值逾5萬元的電療機，店員聲稱可以清潔血管，分解向管內的脂肪、膽固醇，更指有人使用後連癌治數亦降低。《東張》到店舖放蛇，再訪問心臟科醫生曾振峯，醫生卻直指有潛在風險！
相關閱讀：東張西望丨內地代購生肉偷運港手法大公開！開箱驚見肉類已溶雪 血水流出恐交叉感染
陳先生向《東張西望》報料，指家中長者三、四個月前開始，叫他與其兒子食保健品：「佢話自己去咗間舖坐過一部電療機，我唔知點運作，佢坐完話自己身體好咗、好瞓咗，頭痛都冇咗，睇嘢做清楚咗。」不過陳先生對電療機的功效感到相當質疑：「我覺得咩機要5萬幾蚊？好多醫療設備都未必使呢個價錢。佢講嗰個療化好似真係無乜根據。」
《東張》放晒玩「過電」
《東張西望》團隊到位於觀塘的店舖放蛇，到達時已經見到有十多位中老年人士坐在店內使用電療機。《東張》工作人員坐下後，職員即為他試電，當工作人員指腳有點發麻，職員則表示：「證明腳部血管爭少少，因為佢要過電，但你嗰卡住，感覺大啲。」職員隨後又拿出一張過膠的A4紙與工作人員玩「過電」：「呢個叫電位差，你通梗9000W嘅靜電，我無通呢個電，你啲電就過咗嚟。」
職員稱有病人癌指數降低
店內銷售的電位療法機器於日本製造，售價5萬多元，職員大讚電療機功效，聲稱可以清潔血管、淨化血液，更表示：「電流到身體中的每一條血管，有一個震動，最低40下，最高70。佢喺血管裏面震動，分解脂肪、膽固醇、沉積物，因為分解咗先可以排出來。」
不只職員在場還有不少「病人」發表電療機功效的見證，連職員也表示：「一粒藥唔使、一支針唔使，就咁坐喺度咁舒服，令隻腳無咁痛，令你好瞓啲。」又有在場中年女士指，其45歲哥哥中風後要坐輪椅，使用電療機半年，就可以用四爪拐杖：「到而家佢可以返工，唔使用拐杖。」之後又指有乳腺癌病人「坐機」後，癌指數降低，功效相當神奇，勁過《食神》瀨尿牛丸！
總公司強調合法經營
《東張》主持梁敏巧到店舖對質，表示電療機成效受到質疑，職員表示：「負責人唔喺度。」隨即進入房內稱致電負責人，隨後又表示：「我哋代表唔到負責人答你。」更將梁敏巧及工作人推出店外，關燈、關門。而總公司則以電郵回覆《東張》表示：「不做任何回應。」又指在港合法經營已經27年，儀器亦已按機電工程署要求，取得國際認證。
醫生直指有潛在風險
心臟科醫生曾振峯接受訪問，表示曾聽聞該款儀器：「暫時醫學上都未見好大型嘅臨床數據，喺呢方面做研究。」心臟科醫生曾振峯更直指長期使用，隨時有潛在風險：「我個人未必太建議，老人家好多都有心律不正、高血壓，佢哋未必有明顯徵狀，以為自己無乜問題去接受治療，有機會令本身病情惡化。如果本身唔知有呢啲情況，而使用儀器後令情況惡化，就可能有啲危險。」
物理治療師彭潤明則表示：「一般電療都係針對受傷部位，去放鬆或促進向液循環，只會應用喺患處嗰度，好少會應用喺其他無事部位。」物理治療師同時表示，一般亦會避免使用太高的電壓作治療，因為身體難以負荷。
物理講師：唔會影響身體內部結構
中大物理系高級講師湯兆昇接受訪問講解：「如果係靜電，唔會喺身體裏面流通，當佢入咗人體，產生刺痛就會消失，因為電壓雖然高，但電量好少。」而9000w靜電：「簡單來講，有幾大推力，將電流推入你體內，9000w就係講推落去嘅電量，用一個好大嘅能量推落去，都要睇下你有幾多電。」最後總結指：「靜電對我哋來講會產身刺痛，唔會影響身體內部結構。」
其他文章：
《東張西望》主持黎寬怡再遇襲！疑被事主家人困屋內 遭粗暴推跌落地大叫求助
東張西望丨主持梁敏巧追訪疑呃錢抖音網紅遇突發情況 被衝前搶走一物：你咁樣唔得㗎
郭秀雲現身《東張西望》！營救貓頭鷹遭鬧「八婆」 受訪還原事發經過
東張西望丨港男因遺囑錯字失4千萬祖屋？繼母被封「何太2.0」對質反鬧：去搵你老竇啦！
