張馳豪（Aska）在 《反黑英雄》飾演PTU明日之星「李耀政」，首着制服演紀律部隊，令他好興奮。更因為愛上演戲，想挑戰不同角色，反派或卧底就最想演，甚至有信心挑戰主角孭重飛，好有大志。採訪：杜杜 攝影：羅安強 髮型:Hugo Poon@PRIVATE i salon 場地:The AIR (The ONE)
愛上做演員的Aska，希望唱歌和演戲雙線發展。
愛上做演員的Aska，希望唱歌和演戲雙線發展。
愛上做演員的Aska，希望唱歌和演戲雙線發展。
Aska 有個「制服夢」，所以演到「李耀政」相當興奮，「PTU係其中一套覺得有型嘅制服，有機會着更加開心啦！」事前監製方浤酌要求他曬黑配合角色，但他嫌未夠，「我都有增磅操大隻啲，希望着起套制服會更加好睇。」
Aska首次扮演紀律部隊，飾演PTU明日之星「李耀政」。
Aska首次扮演紀律部隊，飾演PTU明日之星「李耀政」。
Aska首次扮演紀律部隊，飾演PTU明日之星「李耀政」。
多得陳山聰張頴康提點
首次扮演紀律部隊，Aska覺得有想像不到的難處，「着制服有好多規矩，就算用手扣鎖人好似好簡單，但原來都唔易，個動作總係唔順，多得陳山聰和張頴康提點我。」他又開心跟「部隊」建立感情，「我哋真係好似一team人咁開工，我同角色一樣係隊中新丁，大家都好照顧我。」演戲多令他越加喜歡，因跟唱歌很不同，亦可以互相影響，「唱歌要學習投入情緒，演戲就可以學到點樣控制情緒，對投入同表達都有幫助。」未來他希望唱歌和演戲雙線發展，「唱歌除表演外，製作過程較易遷就，唔會影響到拍劇，反而我會利用拍劇空檔寫歌𠻹！」
Aska首次揸槍演戲，有型得來也有難度。
Aska感激陳山聰和張頴康等前輩，由着制服到演戲都有提點他。
劇中Aska愛上倪嘉雯飾演的黑道千金，陷情義兩難。
除了警察，Aska亦想演消防員及海關，「醫生都唔錯，着起制服個感覺真係好唔同，我唔怕辛苦。」講到最想挑戰角色，即諗起《反黑》的袁偉豪和張振朗等角色，「拍咗幾個劇都做啲正直角色，好想演吓袁偉豪嗰啲大奸角，或者張振朗嗰啲卧底，應該有好大分別，好好玩。」若然有機會演男一，他亦有信心擔此重任，「之前真係冇乜信心，覺得自己講廣東話好差，𠵱家大家都話我進步咗，同埋之前出到跳舞歌，證明有啲嘢要逼出嚟，所以有更加重嘅角色，甚至係主角，我有信心挑戰。」
廣東話有進步的Aska，有信心孭飛做男一。
Aska恨演《反黑》中袁偉豪和張振朗等反派和卧底角色。
Aska恨演《反黑》中袁偉豪和張振朗等反派和卧底角色。
