有「亞視忠臣」之稱金牌綠葉劉錫賢的人生比「永恒亞視」還要傳奇！自從1988年加入亞視做到熄機一刻，年青時工作機會不斷，除了做主持也拍劇集，本來人到中年可以有穩定生活，殊不知一場疫情，市道低迷差點失業，離婚風波花費了一大筆金錢，連健康都響起警號，劉錫賢的人生陷入最低潮時期，差點以為自己「就快死」，直至三年前遇上現任太太袁綺弘（Ievan），終於才走出陰霾，人生得以重生。
劉錫賢與老婆合照：
劉錫賢首段婚姻幾乎輸身家
劉錫賢一直以來給人的感覺是開心果， 經常帶觀眾歡樂，但原來鏡頭以外，劉錫賢人生不如戲！近日劉錫賢接受訪問，提到早年經歷的連場打擊，他坦言本身是一個很抑鬱的人，媽媽離世後，有一段時間心情仍然未平復，再加上在2019年與內地太太離婚時，又衍生了不少風波，當時幾乎賠上了全副身家。劉錫賢稱與首任相識一年便在2013年結婚，當時想為身患重病的劉爸爸沖喜，直到2016年，劉爸爸過身後，連這段婚姻都觸礁：「佢當時要脅我，如果我唔肯畀呢個數，佢就唔由內地返香港，律師叫我不如妥協，錢解決到嘅，就唔係問題。好啦，財散人安樂。當時計過數，畀完呢筆錢之後都仲可以應付，完全冇諗到跟住會有疫情，我連最後嗰丁屎都冇埋。」劉錫賢坦言最拮据時銀行戶口只剩兩位數字，本來想過賣樓套現，幸得媽媽和三位妹妹出手保住了居所，不過劉媽媽在2021年敵不過病魔，令劉錫賢大受打擊。
劉錫賢失去摯親極無助
劉錫賢表示離婚不算最痛，但親人離世，實在是人生最痛：「我同媽媽好close，之前有乜事都同媽媽講，雖然佢冇乜回應，通常只係點下頭，突然之間失去摯親，我亦變成一個好無助嘅人。」因為家庭和事業都陷入低潮，劉錫賢一直生活在谷底，直至三年前遇上Ievan，終於走出陰霾。雖然兩人尚未正式註冊，但劉錫賢人前人後已稱呼對方為「老婆」，他說：「我哋喺正式拍拖第一日，已經互相交換秘密，乜都可以傾，兩公婆最開心唔係點樣生活，而係點樣分享。心裏面冇隱瞞，生活先有安全感。」劉錫賢指「太太」之前也有過一段婚姻，有兩名分別是20歲和17歲的女兒，雙方關係由最初的不太接受，到現在相處很好：「出年啦，應該係成熟期，到時會正式註冊，如果唔係太太出現，我估我已經變咗嚿化石！佢係上天畀嘅最後禮物，亦係我一生中最大嘅禮物，我會好好珍惜。」
「A記同學會」昔日聚會相：
劉錫賢為一句話對張家輝感氣憤？
對於被稱為「亞視功臣」，劉錫賢曾表示不敢恭維：「畢業後加入亞視做演員，1988年12月1日加入亞視做到熄機，我唔係冇諗過離開，原因有好多 ，有一部分係薪酬問題，亦有人話我嘅『亞視味』太重，最重要係因為我懶，我覺得喺一個熟悉環境，可以做自己應該要做嘅事。寧做山寨王，莫做大國奴。」劉錫賢覺得劇集《縱橫四海》為亞視藝人打開了大門：「起碼記得我哋啲角色名，觀眾到而家都會記得《我來自潮州》，仲有人叫我做『朱潤』。」雖然劉錫賢對亞視又愛又恨，不過提到張家輝在《賭俠1999》中的經典對白「X你個街，亞視嚟嘅」，劉錫賢說：「張家輝係亞視培養出嚟，當年機會唔少，冇理由講句咁嘅對白。雖然呢句對白可能係王晶寫嘅，但出於佢把口，我真係有啲氣憤。」
其他文章：
倪匡離世丨劉錫賢盛讚好好先生 錢小豪拍《原振俠與衛斯理》惡補小說
【劉母設靈】遺憾未能見母親最後一面 劉錫賢陷財困下月回內地撲水
