Anson Lo對戀愛「Open」：有拖拍就拍！ 邁向30 望照顧全家無憂慮 。
Previous Next

盧瀚霆（Anson Lo）明年將步入30，其目標是承擔全家人的生活，令教父、教母、教姐和小狗Amber無憂無慮地過每一天，教主更大方談戀愛路：我open㗎！有拖拍都會拍！

Lo在暑假推出新歌《Hey Hey OK!》。
Lo在暑假推出新歌《Hey Hey OK!》。
明年就邁向30的Anson Lo對談戀愛持開放態度，遇到合意對象可以隨時拍拖。
明年就邁向30的Anson Lo對談戀愛持開放態度，遇到合意對象可以隨時拍拖。
30歲係Anson Lo重要時刻。
30歲係Anson Lo重要時刻。
Anson Lo 30歲目標，望能起全家人的生活。
Anson Lo 30歲目標，望能起全家人的生活。
型仔Lo。
型仔Lo。
Anson Lo對戀愛態度隨緣。
Anson Lo對戀愛態度隨緣。

撰文：陳凱詩 攝影：林賓尼

髮型：Denny Ku @Chic private I salon

化妝：Mayling Suen @Annie G. Chan Makeup Centre

服裝：Lane Crawford

造型：PIPA Creative

場地：No. 5 Studio HK

Lo為暑假推出新歌《Hey Hey OK!》，一如既往rap詞部分由他親自操刀填寫：「呢一首係好summer vibe跳唱歌，希望大家聽完之後有放暑假、開心party，無憂無慮嘅感覺。」與對上一首情歌《深閨》形成強烈對比，一冷一熱Lo認同兩首歌是完全100%相反，希望自己每一首歌都有不同風格；而《Hey Hey OK!》帶出的訊息是希望大家活在當下，遇到困難時用正面的態度去看事情，這樣每一件事都懷着輕鬆心情去渡過。」

LO首次試撐水上滑板，鏡頭前非常有型，鏡頭後就好多蝦碌，希望會有BTS！
LO首次試撐水上滑板，鏡頭前非常有型，鏡頭後就好多蝦碌，希望會有BTS！
「流汗霆」去到沖繩拍MV，最大挑戰係要不停補妝。
「流汗霆」去到沖繩拍MV，最大挑戰係要不停補妝。

Lo除了在網上向神徒（粉絲暱稱）發起《Hey Hey OK!》招牌舞步challenge，圈中朋友都有份，先後在社交網分享與馮允謙、梁嘉茵（Serrini）、謝安琪女兒Kakaball（張靖）、lollytalk等跳舞影片，Lo表示：「大概邀請了10位嘉賓，多謝每一位接受邀請，大部分都係前輩級別，所以搵佢哋嘅時候都好緊張。」

LO說今次會請好多嘉賓陪佢一齊跳《Hey Hey OK》，打頭陣是馮允謙！
LO說今次會請好多嘉賓陪佢一齊跳《Hey Hey OK》，打頭陣是馮允謙！
Serrini（梁嘉茵）就是第一位陪跳的女嘉賓。
Serrini（梁嘉茵）就是第一位陪跳的女嘉賓。
張繼聰、謝安琪女兒Kakaball（張靖）是小神徒，她穿上粉紅色衫與Lo一同跳舞襯到絕。
張繼聰、謝安琪女兒Kakaball（張靖）是小神徒，她穿上粉紅色衫與Lo一同跳舞襯到絕。

沖繩拍MV晒健康活力

問到Lo自己最OK及最不OK的甚麼事？他直言：「最OK嘅係返到屋企可以即刻沖涼，因為返到屋企如果冇得沖涼，就會覺得好污糟，覺得整污糟屋企；最唔OK嘅事就係朝早要食早餐，因為我自己唔係好鍾意做嘢之前，食一餐好豐富嘅嘢，感覺個人好唔ready工作，如果我空肚做一樣嘢，感覺個人會sharp醒啲。」

Lo最怕返到屋企冇得即刻沖涼。
Lo最怕返到屋企冇得即刻沖涼。
Anson Lo爭取每分每秒的休息時間。
Anson Lo爭取每分每秒的休息時間。

新歌MV專程飛到沖繩拍攝，中學時期是校內泳隊的Lo到底有冇落水，他笑說：「我係有落水游咗幾下，其實本身想拍少少游水shot，不過，因為拍攝嗰度比較淺水，啲水只到我膝頭哥，如我游水嘅話，啲石係會喺我個肚度刮住我咁游，所以最後就唔成事。」今次MV只露出強勁的臂彎，未有神徒們期待的性感泳照，Lo笑指新歌以夏日健康為主，不想以騷肌性感成賣點，但為了這個MV，向來瘦底的他就由去年底已開始操練身體。

中學時是校內泳隊的Lo好鍾意游水，泳姿竟然在沖繩觀光局的宣傳片中曝光。
中學時是校內泳隊的Lo好鍾意游水，泳姿竟然在沖繩觀光局的宣傳片中曝光。
MV中Lo舉V字手勢晒麒麟臂。
MV中Lo舉V字手勢晒麒麟臂。

改善Work-Life Balance

講起身體問題，Lo的健康就疑似響起警號，不但聲帶水腫並且暈厥情況嚴重，為此做了幾個身體檢查，但一直未有透露報告結果，令神徒們非常擔心，在生日會上Lo透露與家人提起身體狀況時，「教姐」更擔心到喊咗成晚，不過當問到身體報告時，Lo就三緘其口：「唔太方便透露，因為透露完之後大家會更加擔心！（生活上會否有改變或影響？）個報告係唔關生活習慣事，醫生都話我依家生活習慣上，冇乜壞習慣一定要戒，所以正常生活就OK，唔關作息飲水事。」

Anson Lo捱烈日開工。
Anson Lo捱烈日開工。

目前work-life balance，比半年前改善了，Lo坦言：「我將工作速度減慢咗好多，雖然醫生話唔關事，我自己都飲多咗水，食少咗甜嘢，嘗試早瞓，呢啲係會幫到手，overall健康都會好啲。（做運動有冇幫助？）做運動普遍個人都會健康啲，但都唔關個報告事，大家唔使擔心，依家都好function到。（跳舞有冇影響？）係冇影響嘅。」

「神徒」曾擔心Anson Lo健康狀況。
「神徒」曾擔心Anson Lo健康狀況。

只望家人活得無憂慮

7月7號剛踏入29歲生日，神徒們炮製了連串驚喜，包括耗資7位數字的無人機匯演、教主碼頭、免費摩天輪等等。明年即將邁向30歲，三十而立的他被問到有甚麼目標？非常愛疼家人的Lo Lo說：「希望30歲時可以無憂無慮咁去照顧到全家人，因為爹哋媽咪已經退咗休，跟住家姐我又想照顧埋，又要養我隻狗Amber，所以個支出都大，希望30歲可以做到無憂無慮。（其實依家都做到？）唔係，未去到無憂無慮，想照顧到屋企人，佢哋想做咩都得，想去旅行就去旅行，想食咩就食咩，想佢哋嘅生活水平再好啲。」Lo短期內能達成的目標，就是今年全家人一齊去旅行。

教父、教母、教姐是Lo努力工作的動力，每年生日Lo都會預留時間和家人慶祝。
教父、教母、教姐是Lo努力工作的動力，每年生日Lo都會預留時間和家人慶祝。
國際後援會為「教主誕」展開慶祝活動，其中一項是無人機匯演。
國際後援會為「教主誕」展開慶祝活動，其中一項是無人機匯演。
AL把派心照上載社交網，感謝神徒。
AL把派心照上載社交網，感謝神徒。

至於自己的感情生活，Lo大方回應：「我open㗎！如果有得拍拖我都會拍，正常人嚟嘅，我諗正常人都有友情、愛情、工作，每一方面都重要，所以有嘅話就會拍。」

Lo話如果有得拍拖都會拍。
Lo話如果有得拍拖都會拍。

接拍了杜琪峰的新戲是Lo在2024年的重點工作之一，之前杜Sir透露會停拍一段時間，Lo指電影計劃是on and off咁拍，不是一次過拍晒。而繼巴黎及沖繩後，Lo希望下一次MV能夠到英國拍快歌。

MIRROR7月生日群組飯後的四方城大戰，Lo不肯透露誰是輸家！
MIRROR7月生日群組飯後的四方城大戰，Lo不肯透露誰是輸家！
在杜琪峯新戲中，Lo以全新形象示人。
在杜琪峯新戲中，Lo以全新形象示人。
Lo覺得自己同愛犬Amber好似樣。
Lo覺得自己同愛犬Amber好似樣。
今年29歲生日有神徒以不同方式陪伴慶祝。
今年29歲生日有神徒以不同方式陪伴慶祝。
2024年推出一冷一熱的歌曲，前《深閨》走冷路線。
2024年推出一冷一熱的歌曲，前《深閨》走冷路線。