進駐香港25年、擁19間分店的連鎖扒房「Outback Steakhouse」早前宣布將終止9間分店營運，今日（4日）為該9間的最後營業日。其中，黃埔享膳坊分店中午12時人頭湧湧，不少食客在門外排隊等候。有食客帶同家人專程來到，認為結業可惜；有街坊嘆稱剛成為會員兩個月，就收到結業消息，認為做法欠佳。而尖沙咀中心分店下午約1時起有食客排隊，店內全無虛席，不少帶同一家大小就餐，有人與餐廳自拍合照留念。
價格未必比得上北上消費 但「就腳嚟講無得輸」
食客謝先生帶同妻子及女兒趁最後營業日專程來到餐廳，他認為結業非常可惜，指在餐廳內有不少美好回憶，「我同太太搬嚟黃埔之後，第一次慶祝情人節就係食呢間」，謝生的女兒僅3歲，稱「當我同佢（女兒）講就嚟結業時，佢都話要嚟食多啲」。他表示，雖然價格上Outback未必比得上北上消費，但勝在環境不錯，又方便黃埔居民，「就腳嚟講無得輸」。
朱先生同樣居住在黃埔，平時周末會與小朋友來光顧，但不會特意來，以位置方便為主。不過就認為自己剛成為會員兩個月，就收到結業消息，做法欠佳。他指：「既然佢要執笠，兩個月之前就唔應該收新會員。」
另一食客馬先生表示，早前已知道黃埔店今日結業，留意到餐廳人流比平時多，認為不單是Outback，香港物價普遍較高，相信結業確是受北上消費熱潮影響。
尖沙咀中心分店熟客盧生盧太表示，早前得知結業消息，認為十分可惜，專程來支持捧場。平時在附近聚會後會順道來吃飯，「好似成為我哋嘅飯堂，嚟過好多次」。尤其喜歡其服務態度及套餐，指「份量多又抵食」，即使套餐隨市道一直漲價都不介意「唔會因為漲價唔嚟，都會繼續嚟」。二人稱結業後「會掛住呢間餐廳」，仍會繼續光顧其他分店。亦有提前詢問相熟的店員將會調到哪間分店，希望能夠繼續支持其業務。
不願上鏡的陳生陳太帶同小朋友專程來就餐，他們表示，疫情前經常到這間餐廳，「拍拖、同屋企人聚餐都會嚟」，認為其服務及菜式優勝。他們稱，早前得知Outback將有9間分店結業都十分驚訝，但仍然會去其他分店消費，不擔心會繼續結業。
另一不願上鏡的食客黃小姐同樣趁最後營業日「捧吓場」，認為結業「真係好可惜」。她尤其喜歡餐廳的環境，價格亦合理，一家人經常來聚餐。又認為今天比平時多人，相信有不少人特意來送別。
記者 李麗蕊
