呂慧儀、湯盈盈、邵初等今日現身電視城出席《愛．回家之開心速遞》「愛」之獎牌對對碰活動時，一較高下大玩奥運項目劍擊和羽毛球。湯盈盈表示剛從加拿大探親返港，因為媽媽大屋搬細屋要幫手，並笑謂帶同兩個囡囡同行逗留個半月，扔低老公照顧19隻雀仔，不過老公好掛住她們，日日傳送舊相，惟有回應畀心心。談到兩位囡囡可有運動細胞，湯盈盈指兩位囡囡以前喜愛游泳，但不喜歡訓練式游泳。呂慧儀自爆囝囝熱愛游泳，而且有天賦，一星期上堂五日，亦試過參加分齡賽奪得金牌，並會繼續任由囝囝喜歡而參加，又笑言最開心見到囝囝肚腩變細，但囝囝指無意再減肚腩，因為有肚腩都贏同學。身形變肥的呂慧儀，笑言劇本講述她變肥，於是跟住劇本肥，體重多了10磅。當笑問劇本寫她懷孕會否變成事實。她笑謂：「就要諗辦法啦！」提到日前與陳法拉飯聚，呂慧儀指陳法拉帶同幼子返港，但未有帶同出席飯局，又讚陳法拉身形依然好Fit，雖然睇相片也覺對方囝囝好靚仔。
首次參演處境喜劇的邵初，表示為了演出將一頭秀髮剪短8吋，雖然從小到大未試過短髮，初時也不捨得，但作為演員角色需要就無所謂，就算將來演病人要剃光頭也會接到受。她說：「演出劇境劇同正劇好唔用，最近有上戲劇班同睇關於戲劇嘅書，睇下點樣拿捏節奏。」邵初大讚演出該劇獲得不少前輩給予貼士，羅樂琳提醒她不要緊張，但要留意演戲節奏，而林淑敏亦私下傳受化妝心得，如何化得精神同適合角色。提到作為師姐的她，早前與江美儀帶領三位候選港姐1號陳紫佟（Jessie）、10號吳芷靖（Clary）和13號程姜月（Dolores）到新加坡拍外景。邵初大讚三位師妹很好，短時間之內有很大進步，亦知道學習過程好辛苦又大壓力，大家也忍不住喊，又指江美儀用心教導，十足似嚴媽，自己則以朋友身份跟佳麗們溝通。談到她未有以泳裝出鏡，她解釋留待師妹著泳衣。
