由香港貿發局主辦的「美食博覽」、「美與健生活博覽」、「家電 · 家居 · 博覽」今日（15日）起一連5日於灣仔會展中心舉行。美食博覽開幕兩小時，場內已人頭湧湧，部分展覽區前更是寸步難行。有展商稱人流較往年多，對銷情樂觀。
相關新聞：美食博覽2024︱市民爭先恐後奔跑入場 參賽者通宵排隊搶1蚊鮑魚：排到天昏地暗
糕餅展商劉先生指，認為今年人流及購買氣氛較以往好，「大家都好期待今次美食展覽，想有一個地方消費」，預計銷情上升10%以上，較去年雙位數增長。他又稱北上消費熱潮對銷情有「輕微影響」，對本地消費有信心。
減價10%產品售價不過百元 「唔過百就唔使點諗」
急凍食品參展商梁小姐今年繼續推出「1毫子福袋」，只需1毫便可獲雞煲、保溫袋等產品。她表示不少人到攤位前排隊取籌，認為今年人流量較往年好，「今年一開檔就做到生意，除咗前排攤位之外，後面嘅檔口都有人行，會去買嘢」，她相信是因首日開幕所致。她指亦有推出加碼優惠，同時亦下調其他產品價格，減價達10%，大部分產品的售價不會超過100元，「大家都揸緊荷包，過百元佢地就會諗，唔過百就唔使點諗，朋友仔都買得好輕鬆，好踴躍咁買」，希望今年銷情能上升20%。
▼巿民爭搶1蚊鮑▼
海產食品參展商湯小姐指今日人流較去年多，相信因為黃雨，巿民留在室內購物，「室內又可以購物，個個都過嚟」，認為今年整體人流、銷情應與往年相約。她指銷情不錯，因首日入場的多是「鍾意食嘢，鍾意優惠」的參觀者，有明確購物目標，「同平時行街唔同」，故他們購買意欲高，會場內購物氣氛亦高漲。
巿民花2000掃貨 笑言「買夠」、「大出血」
市民亦早有備，帶備買菜車到場「掃貨」，短短兩小時已滿載而歸。市民英姐表示，今日購入駱駝奶、芝麻丸、急凍雞等，「車仔都滿曬，拎都拎唔起」，大概花費超過2000元。其朋友華姐則購買了豬排、急凍雞等，「我買得好少，一個人食得幾多」。二人均稱已經「買夠」，「今日都買到大出血」，未來幾日不會再入場購物。
李小姐則為家人買了罐頭食品、即食麵、藥品沖劑，「已經買咗好多嘢」。她稱首日入場優惠很多，雖然沒有去搶購「1蚊優惠」，但減價已足夠吸引，同時亦是為支持本地消費，「香港人支持香港人」。她周六已約朋友再次入場，屆時將會「慢慢享受，唔買重嘢」。
黃先生與家人一同入場，已購買杯麵及一盒桃，花費將近1000元，預計最終花費2000元。「睇啱啲新產品就會買」，之後幾日如有需要亦會繼續在早上時段入場。他稱入場只是「趁放假當行吓街」，「因為阿媽都年紀大，當去行吓睇吓嘢」，並非特意為折扣而來。近日雖受天雨影響，但黃先生指沿途有瓦遮頭，交通便利鄰近地鐵站，並不會減少入場意欲。
記者：李麗蕊
