區永權(Albert)聯同洪永城(Tony)、胡美貽、伍韻婷主持TVB直播節目《瞬間直擊半小時》，「重返」案發現場討論過去意外的瞬間，引來唔少迴響。雖然Albert跟Tony相識多年，由有線到無綫，原來今次係首次合作，Albert更笑指和Tony對答時，對方永遠停頓1.5秒令佢相當奇怪。 採訪：方騫平
區永權有豐富主持經驗都被直播節目考起。
區永權有豐富主持經驗都被直播節目考起。
Albert聯同洪永城主持TVB直播節目《瞬間直擊半小時》。
Tony係主持能手。
雖然做慣主持，因為此直播節目比較嶄新，Albert都被考起，但又覺得好刺激！節目中有唔少網片，相信好多人已經睇過，但經專家分析，可從多角度探索當中有趣觀點，觀眾都話長知識。除此之外，首次跟洪永城合作亦有意想不到的火花，大家同是爸爸，又有共同嗜好，經常約跑步。
區永權、洪永城合作有火花。
區永權係好爸爸好老公。
洪永城育有兩女。
兩公婆陪大女賣旗。
拍劇養成停頓習慣
講到笑料，Albert有開心大發現：「做節目嘅時候，我講完嘢之後，Tony永遠會停頓1.5秒先接我下一句，我心諗，『佢係咪要標奇立異？定特登扮蠢 (扮豬食老虎)，何解有停頓位？』有次我好奇追問原因？」Tony答佢，「錄影廠拍劇，演員接對白必須要等候1秒方便剪接，因為拍劇養成呢個習慣。」終於真相大白，Albert補充，冇諗過Tony咁做為咗搶鏡：「因為通常啲人係會扮聰明嚟搶鏡，冇可能扮遲鈍搶鏡，所以我諗極都唔明啫！哈！打後都有幕後問佢？原來佢咁做真係會引起人哋注意！洪爺果然係洪爺！」
Tony拍劇多年養成接對白要停頓1秒習慣。
提到早前喺《東張》慰勞宴上，全世界嗌住要加人工，Albert就唱反調，「我冇嘢要求，我唔需要加人工，因為我為興趣啫，服務大眾。」被指家住貝沙灣，唔志在人工。Albert笑說：「OK啦，當然有得加係最好，不過，許濤主席都講到明加人工係需要程序，所以即係短期內都未必會發生！不過佢都好好，馬上每人派咗封大利是！」
慰勞宴上，Albert冇要求《東張》加人工。
家住貝沙灣豪宅的Albert，露台望無敵大海景。
屋企個景好正。
育有兩子的Albert，一家4口常去旅行。
Albert是前星盒子成員，去年1月在伊館舉行音樂會圓歌星夢。
