李龍基首披露王青霞獄中近況：瘦咗10幾磅 網民攻擊得多學精咗街頭被鬧高EQ反擊。
Previous Next

今年6月，王青霞因被控逾期居留及使用虛假文書等7罪，被判入獄25個月，未婚妻安靜坐監，李龍基就努力搵錢，狂接酒樓騷，又去柬埔寨登台。雖然事非暫時遠離，但基哥坦言被無良YouTuber捏造新聞，搞到形象差晒，出街試過被人兜口兜面指住鬧，「睇見你就冇胃口。」追月當天到獄中跟王青霞過節的基哥，首披露未婚妻近況，「佢好OK，瘦咗10幾磅，Fit咗，精神咗。」仲話會乖乖靜待「老婆」出嚟，好感人。採訪：方騫平

因為使咗好多律師費，李龍基𠵱家玩低調，要瘋狂搵錢。
因為使咗好多律師費，李龍基𠵱家玩低調，要瘋狂搵錢。
基哥唔願再做焦點。
基哥唔願再做焦點。
基哥精神奕奕。
基哥精神奕奕。
基哥現身一間老字號金行的晚宴。
基哥現身一間老字號金行的晚宴。
連唱《男子漢》、《星》、《Cotton Field》3首歌。
連唱《男子漢》、《星》、《Cotton Field》3首歌。
基哥懂得控制氣氛。
基哥懂得控制氣氛。
基哥投入地唱。
基哥投入地唱。

雖然7月的《『基』不可失演唱會》因「不可抗力因素」延期，但李龍基有「食力」冇有怕，之前就現身一間老字號金行的晚宴，連唱《男子漢》、《星》、《Cotton Field》3首歌，High爆全場，基哥又唱到落台跟觀眾互動，𠱁得一班Auntie Fans鬼咁開心，湧住埋身影合照，猛收利是的基哥當然笑呵呵：「證明喺佢哋心目中，我地位有幾高，其實啲YouTuber捏造新聞出嚟，佢哋會為我抱不平，知我哋好陰功，又冇得反駁！」

之前為老字號金行喺酒樓唱晚宴騷，唱到落台跟觀眾互動。
之前為老字號金行喺酒樓唱晚宴騷，唱到落台跟觀眾互動。
基哥邊唱邊搭住Auntie Fans嘅膊頭影相。
基哥邊唱邊搭住Auntie Fans嘅膊頭影相。
基哥好識得冧觀眾。
基哥好識得冧觀眾。
收到利是呀。
收到利是呀。
邊唱邊影相。
邊唱邊影相。
基哥所到之處都影過不停。
基哥所到之處都影過不停。
李龍基原定7月21日在麥花臣場館舉行個唱。
李龍基原定7月21日在麥花臣場館舉行個唱。
基哥啱啱去完柬埔寨登台。
基哥啱啱去完柬埔寨登台。
柬埔寨出席記者會。
柬埔寨出席記者會。
同場仲有葉振棠。
同場仲有葉振棠。

YouTuber荼毒網民

基哥收埋好多激氣事件簿，不吐不快：「有次我哋6人團隊去南沙拍MV，被偷影後向YouTuber亂作，話我黑口黑面推開fans唔影相，現場有咁多人可以做證，導演甚至建議我作出提控，只能講公道自在人心，你話佢哋幾無良呀？𠵱家我都唔睇網上評語，因為關公都有對頭人，唔可能全部人都支持你，睇完會好傷心。」而最嬲一次發生喺兩個月前，「我同朋友喺大埔快餐店食飯，有位年約50歲嘅男人大大聲叫我『提款基』，然後衝前，僅相隔幾個人身位嘅距離指罵我，『睇見你就唔想食，見到你就冇胃口，想嘔喇，提款基…』」首次在街頭被鬧的基哥即對住他拍片：「我一舉機，佢馬上走人，但全間餐廳啲人都望住我，之後有個女人上前安慰我話『我好欣賞你嘅EQ，我好支持你㗎，啲人真係好無聊…』唉！其實『提款基』咪係YouTuber改嘅，我唔嬲，佢哋都係俾人荼毒啫。」

基哥去南沙拍MV，被網民偷影後作料，誣衊他黑口黑面唔同fans影相。
基哥去南沙拍MV，被網民偷影後作料，誣衊他黑口黑面唔同fans影相。
7月初，大女陪基哥去澳門做《女繼續追演唱會》，被黑心網民屈有新女。
7月初，大女陪基哥去澳門做《女繼續追演唱會》，被黑心網民屈有新女。

青霞獄中車保護衣

基哥每月可到獄中探王青霞兩次，兩人一直在倒數，期待明年7月7日鵲橋相會的日子：「叫做塵埃落定，佢都接受咗現實，又有個刑滿日期，佢出嚟之後，我同佢返去佢佛山間屋暫住，然後盡快結婚申請佢來港定居。」談到青霞近況，基哥稱好ok：「佢喺獄中好忙，將長髮束起日日開工車保護衣，好快又過一日，咁佢學嘢都快，師傅教咗佢一周就可以上車，唉！託賴啦，初時佢真係好唔慣，諗起佢喺獄中孤伶伶就唔開心，不過，佢都瘦咗成10多磅，叫做FIT咗啦，最重要精神好。」基哥強調一個人生活唔苦悶：「你估仲係20、30歲咩！我冇呢啲衝動，73歲(性生活)可有可冇，哈...𠵱家心如止水靜待『老婆』出嚟，唔想有任何感情上牽掛，對『老婆』唔住。」基哥仲老實自爆「老婆」唔喺身邊已停服壯陽保健品，大笑說：「呢大半年冇咁需要調節身體，暫時停一停先。」對於55歲鄭梓浩中年好淫亂，基哥借題發揮為自己辯解：「每個人醒覺嘅時候唔同，好似我，睇相佬話我可以活到128歲，所以70歲醒覺唔算太遲啦。」

基哥追月當天到獄中跟王青霞過節。
基哥追月當天到獄中跟王青霞過節。
基哥追月當天到獄中跟王青霞過節。
基哥追月當天到獄中跟王青霞過節。
𠵱家塵埃落定，基哥唔使心痛到喊啦。
𠵱家塵埃落定，基哥唔使心痛到喊啦。
待青霞刑滿出獄，李龍基會盡快和她結婚申請來港定居。
待青霞刑滿出獄，李龍基會盡快和她結婚申請來港定居。
王青霞曾扮成畫家。
王青霞曾扮成畫家。
持假學歷。
持假學歷。
Chris持假證書訛稱是飛機專業資格畢業。
Chris持假證書訛稱是飛機專業資格畢業。
曾報稱被打。
曾報稱被打。
Chris吹水話自己係飛機工程師及飛機師。
Chris吹水話自己係飛機工程師及飛機師。
唔怕醜晒「畫功」。
唔怕醜晒「畫功」。
王青霞曾為黑歷史狡辯。
王青霞曾為黑歷史狡辯。
低胸裝晒身材。
低胸裝晒身材。
王青霞曾在美國居留。
王青霞曾在美國居留。
擺出會彈豎琴甫士。
擺出會彈豎琴甫士。
扮自己係才女。
扮自己係才女。
扮寫揮春。
扮寫揮春。
基哥唔想利用「老婆」呢件事嚟出風頭。
基哥唔想利用「老婆」呢件事嚟出風頭。
Chris送畫畀楊柳青，令身分曝光。
Chris送畫畀楊柳青，令身分曝光。
林淑敏曾收到Chris送的冒牌名牌筷子禮物。
林淑敏曾收到Chris送的冒牌名牌筷子禮物。
基哥玩飛機解悶。
基哥玩飛機解悶。
鄭梓浩一腳踏三船，已變成過街老鼠。
鄭梓浩一腳踏三船，已變成過街老鼠。
鄭梓浩曾有同居7年女友Grace。
鄭梓浩曾有同居7年女友Grace。

受注目都唔係好嘢
告別新聞人物身分，基哥慶幸有「何伯何太」嘅出現：「哈！大家嘅集中力唔使喺我身上，我送晒(焦點)畀佢，我都唔太想要，講真，我唔係想利用老婆呢件事嚟出風頭，因為唔係關注我音樂及藝術上。」記者笑他一世人未試過去到咁高位，基哥即笑出聲，「哈…得啖笑啦，不過，13年前俾發酒癲嘅南亞裔男子襲擊打腫隻眼，負傷出席宴會時被30幾名記者圍訪都嚇咗一跳，但相比今次仲大件事，聘用咗兩位事務律師及兩名大律師處理，負擔天文數字律師費，每次做風頭躉都唔係好嘢。」

13年前無辜被遇襲打腫咗隻眼後，當晚有超過30位記者追訪他。
13年前無辜被遇襲打腫咗隻眼後，當晚有超過30位記者追訪他。
何太黑材料越揭越多。
何太黑材料越揭越多。