黃子華與許冠文兩代笑匠合作的電影《破．地獄》將於11月上映，連日來黃子華努力為電影宣傳，日前現身好友鄭裕玲的YouTube節目《The Do Show》，兩人當年在TVB處境劇《男親女愛》結緣，難得碰頭當然有談到趣事，黃子華重提與蕭亮炒大鑊事件。
相關閱讀：蕭亮傳逝世丨蕭亮曾被指爭出鏡獲封「老薑攝石人」？ 疑因爭位遭導演趕走被封殺
黃子華罕談與蕭亮炒大鑊事件：
黃子華和鄭裕玲當年合作拍《男親女愛》創下不少佳績，當年Do姐與黃子華長達30秒的「世紀之吻」亦掀起全城熱話，更加成為經典場面。不過當年亦曾鬧出風波，最為人記得是苑瓊丹點名「拍劇最難頂嘅人」是蕭亮。在節目上，鄭裕玲稱當時兩人合作五個月，曾目睹黃子華發過一次脾氣，事件與蕭亮有關，黃子華說：「嗰次同蕭亮對戲嘅時候，你都喺現場，你見到啲乜嘢？」鄭裕玲則說：「我覺得嗰陣唔算係發脾氣，不過見到蕭亮係一個很有性格嘅人，然之後佢會提議你點樣做，喺你個範疇已經好專業，唔需要佢提醒，所以子華嘅所謂發脾氣，只不過係當時拎住一叠文件，然後唔係好大力咁丟喺枱面，跟住就話『我有分數』！」傳了出去就稱黃子華發脾氣。
《男親女愛》經典場面：
黃子華說：「其實真正嘅原因，大家都知道我會改劇本，大家都接受咗，連Do Do姐都接受我改劇本，當我同蕭公子（蕭亮）有場戲，因為我改劇本好負責任，通常我係會改到我改完呢，人哋係會接到，而唔會係接唔到，當時我就畀蕭公子睇，佢就話：『你唔可以改成咁樣，改咗唔得喎』我咪話說：「得㗎喇，你照講喇，講到㗎。』因為佢係我前輩，又唔可以鬧佢，但係唔知可以點解決，所以咪....好嬲呀，唔知點解決。」黃子華續說：「嗰次就係咁，我自己都好忟，嗰次絕對係發咗一個脾氣。不過我都好慶幸，我係冇鬧佢，只係埋位發自己脾氣，我唔知有冇講過『我有分數』，總之之後埋位就ok。」
其他文章：
破．地獄丨黃子華許冠文破天荒世紀對談 Michael盼孖子華為香港做返啲嘢 子華透露殯儀館拍攝零壓力
破．地獄丨黃子華感謝殯儀館首次借出場地拍攝 夜闖殮房通道一世難忘
黃子華低調潮Look出巡熱到臉紅紅 光顧小店極親民一行動令老闆感窩心
