【天文台/桃芝颱風/秋颱/打風/八號風球】最遲8號波颱風桃芝，讓不少打工仔以為今日可以有半日，甚至一日假，但隨著桃芝減弱及遠離香港，天文台將在上午10時20分改發三號強風信號，一眾打工仔下午將要返工，相信令不少人「失望」。
打工仔湧天文台FB留言鬧爆
願望落空的打工仔知道消息後，立刻湧到天文台Facebook鬧爆8號風球生效及改發3號風球時間，「其實鐘意睇大遷徙可以移民去非洲，唔好滾搞最鐘意返工既香港人⋯⋯大家都為啖飯，何必為難上班族呢！」、「其實掛多半日好難咩？」、「係要玩謝全香港打工仔先開心」、「點會揀呢個時間落波㗎，陣間香港交通癱瘓」。
相關新聞：天文台：上午10時20分改發三號強風信號 桃芝將減弱及遠離本港
打工仔知道消息後，立刻湧到天文台Facebook鬧爆8號風球生效及改發3號風球時間。天文台FB截圖
一時間有過百個留言。天文台FB截圖
天文台於上午10時20分改發三號強風信號。天文台網頁截圖
最遲8號波颱風桃芝令打工仔以為有半日假。天文台網頁截圖
一眾打工仔下午將要返工，令不少打工仔大失預算。天文台網頁截圖
有網民讚天文台提早預警 令學生家長放心
除了認為改發三號波的時門外，亦有人質疑懸掛風球的決定，「多數人返9點、10點，唔掛一定係最好」，不過亦有網民反駁「我呢邊真係幾大風 聽到出邊wuwu聲 掛8號都好合理 唔掛出事果陣鍵盤黨孭飛？」、「如果有香港人返港島南，然後出意外，邊個孭飛？」、「平時唔掛又話人唔掛，而家掛又話人唔掛仲好」。
有巿民無懼風球，到海邊拍照。劉駿軒攝
杏花邨海面有湧浪。何君健攝
紀律部隊亦加強準備。何君健攝
有巿民仍出海。何君健攝
有巿民仍出海。何君健攝
亦有不少網民為天文台護航，「其實天文台已經做得好好，抵讚！」、「近期天文台安排非常好， 令市民有所準備同安排， 學校開始考試， 學生放心， 家長安心， 打工仔安心睡眠」。
相關新聞︰ 天文台上午10時20分改發三號風球 打工仔落波後要返工？即睇8條Q&A解疑問
