卡塔爾世界盃八卦料多，花生味十足。

要數今屆卡塔爾世界盃特別之處，實在多不勝數，身為球迷坐埋傾八卦料多過真係講足球，主辦國選舉醜聞、當地人權問題，甚至前兩日爆出內定賽果「貼士」，全部都令花生銷量急升，更為今屆世界盃因為疫情等不明朗因素而缺乏海量宣傳，提供曝光率和熱度。 不少馬迷都會參與足智彩，贏完馬仔通波仔唔少，輸完馬仔靠波仔「追數」更大有人在。而我覺得最難在於兩者賠率差異大，賭開冷馬，就覺得乜都唔「抵玩」。以往在大賽都鍾意玩下「首名入球」趁熱鬧，而家終於都有新項目叫做「同場過關」俾我呢類「熱又嫌熱、冷又嫌難」有足夠誘因去動下腦筋。 

揭幕戰主辦國卡塔爾迎戰近年進步神速的厄瓜多爾，賽前因為「預設賽果」的醜聞影響，令入球細的賠率過熱，所以會望住「入球大」去度，厄瓜多爾打法主攻、積極且角球多，推介「同場過關」厄瓜多爾半場及全場勝、全場總入球多於二點五，同埋總入球為四球、開出總角球多於十一點五球。馬高

立即下載 | 全新《星島頭條》APP : https://bit.ly/3yLrgYZ