今晚四強戰是美斯與莫迪歷兩位傳奇的終章。Reuters

今晚四強戰由一四年亞軍阿根廷對住一八年亞軍克羅地亞，是兩代二奶仔的對決，更係美斯與莫迪歷兩位傳奇的終章。

世界盃開始之初，在觀看某受歡迎YouTube頻道的調查，阿根廷係最多人支持奪冠的球隊。受訪者不少說阿根廷唔係最強，但希望美斯能圓世盃夢，很多人心底裏都覺得，世界盃欠了美斯一個冠軍，或許人心底裏皆有多少成人之美的願望。

克羅地亞隊長莫迪歷跟美斯是同一代人，若果美斯係最強前鋒，相信唔少人會認為莫迪歷係最強中場，兩人都有極長的高峰期。

出自戰火的國度，克羅地亞簡直係小國逆境自強的最佳代言人，莫迪歷多年單手帶住球隊，在戰場上殺低不少星光熠熠的足球強國。同樣，阿根廷亦多年依賴美斯為國民帶來榮耀的希望。兩位由球技到品格都係令人尊敬的球員，係足球的瑰寶。呢場決戰未開打，已注定係令人遺憾、感觸的一戰。 手心對手背，最愛對最愛，不作任何推介。馬高

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ