今次卡塔爾花了超過二千億美元去搞世界盃，新建的十一個球場實在係靚到爆炸。Reuters

世界盃決賽後，呢個俾我亂噏嘅專欄都會告一段落，趁呢兩日用「十大之最」去提前總結一下今屆賽事。

最昂貴：有錢就係任性，今次卡塔爾更花了超過二千億美元去搞呢次賽事，係一八俄羅斯那屆的十五倍以上，新建的十一個球場實在係靚到爆炸。網上有搞笑圖創作油佬說，因為怕年老母親要遠行，所以花少少錢喺屋企門口搞世界盃係值得嘅，令人感動。

最廉潔：主辦國卡塔爾在賽前被傳對厄瓜多爾有協議賽果，結果以清脆利落的姿態輸波，粉碎抹黑、污衊，向世界展現了卡塔爾的廉潔。

最任性：另一油國沙特阿拉伯亦不讓鄰國專美，喺國家隊爆了本屆賽事第一場大冷擊敗阿根廷後，沙特宣布翌日全國放假一天，非常任性。酸民就唯有：「咪又出唔到綫。」 

最熱血：日本先後在落後嘅情況下，反勝德國及西班牙兩支傳統熱門勁旅，更以小組首名出綫十六強，令全國甚至不少心繫「家鄉」的香港球迷，情緒大爆發。 -馬高

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ