武漢肺炎蔓延不止，TVB劇集如常開工，演員為咗妝容，就算戲外，埋位前都唔可以戴口罩。日前新劇《踩過界II》就有四名主要演員王浩信、蔡思貝、張振朗及簡淑兒齊齊病倒「冧廠」，另一女主角張曦雯亦不適取消外景。監製林志華表示演員們連日開工，加上拍外景時遇大風而病倒。對於要冒險除口罩開工，新紥姐仔張曦雯(Kelly)就話唔驚，事關做女一的機會唔係時時有，「冒險都冇計，最重要係有工開，有嘢做。」趁住新正頭，挾住台慶中奪得「飛躍進步女藝員」獎的旺氣，日前她拉埋好友徐肇平及KOL好友朱韻韻去佛堂求桃花，望盡快乘勝追擊「升呢」做視后。採訪：方騫平