新冠肺炎人人自危，除了出街要戴口罩，戴完亦要包好再掉以免散播細菌。有市民就遇見天降口罩，樓上住客口罩正正掉中自己屋晾衣架，批評無公德心。亦有市民投訴同區居民口罩未包好就丟棄，更指見過地下一次有10個用過的口罩。

有市民在Facebook群組分享相片，指自己住元朗朗屏邨，請樓上住客自律，「有啲功德心喇，唔好一時貪方便，這樣做會傳播細菌，如果掉正你間屋嘅哂衫架，相信你會破口大罵，唔好咁自私啦。」亦有大埔富亨邨居民就見到有街坊隨地掉口罩，「其實包好啲口罩再掉係咪好困難？街坊可唔可以有啲公德心？」更指自己影相當日已經算少，前晚地下起碼有10個。

不少網民都有共鳴，有人指不只口罩，亂掉垃圾已經是長期問題，有人試過被樓上掉煙頭及衛生巾，亦有網民就批評管理處未有做好規管。