近日不少居家檢疫人士疑違法檢疫令，戴著電子手帶出街，特首林鄭月娥昨日特別批評這批人士可能會導致社區爆發。有網民再發現，黃埔有一個戴手帶的婦人在超市買餸，令網民大驚失色，不過有網民就認為，隔離人士須留在家中14天，因此到超市購買糧食在所難免。

網民Peggy Chong在「香港人連儂牆」專頁發帖，指「黃埔嘅街坊留意，有無人可捉她隔離，黃埔街坊尋人，希望佢只係剛戴手帶，買完野會即刻返屋企隔離！」相中可見，這位婦人在收銀處付錢，購物籃中有幾個杯麵和水果等。雖然有戴口罩，不過手上戴著藍色手帶就令人懷疑是否檢疫手環。

相片引起網民熱議，「好心拉低啲隻衫袖，慌人唔知」，不過都有網民指出，隔離14日也要買糧食，「你見佢買杯麵都知喇...政府只理隔離營個班伙食，唔會理家居個班，但家居都要食野㗎」，也有人道出隔離人士的心酸，「大把屋企有老有幼嘅人要隔離，唯有叫屋企人買糧食掛鐵閘門口自己伸手攞」。