蔣嘉瑩（Vivian）與老公Louis早前在新冠肺炎疫情未爆發前，趁兒子Marvis學校放假，一家三口飛往泰國布吉島曬太陽及游水，盡情吸收陽光精華對抗疫情，全家皆曬得一身古銅健康膚色回港。

Vivian表示只要學校放假都會同老公一齊帶兒子去不同地方旅行，希望孩子能放眼世界，看多些其他地方新事物；今次揀布吉島，她說：「主要唔想去太遠地方，玩幾日就算，Marvis好鍾意沙灘及燒烤，我哋又有朋友住布吉島，可以順道探望朋友。我哋喺布吉，日日都係陽光與海灘，因為回港後我要開工影靚相，隨身帶著太陽油，每隔幾小時就由臉到腳趾都塗滿太陽油驚曬黑。」