立法會九月選舉，選民登記本周六（五月二日）截止，建制派、民主派加緊落區呼籲大家立即登記做選民。　

民建聯主席李慧琼昨在社交網站提到，她同屯門支部團隊在區內開設街站，協助市民登記做選民，與街坊有傾有講，又引述有街坊話會繼續打電話同埋WhatsApp提醒親戚朋友登記，「班人（民主派）有破壞無建設，香港唔可以再咁落去。」

副主席張國鈞走勻港島，落手落腳幫街坊填表，他提到唔少街坊都主動行埋街站，知道是民記擺檔便放心坐低，好有心，他籲大家善用手中一票向「攬炒」說不，一齊保護香港呢個家！另一副主席陳克勤則在太和開設街站，希望作最後衝刺，壯大力量，對抗「攬炒」。

公民黨黨魁楊岳橋就與大律師梁嘉善在坑口開街站，楊岳橋話新冠肺炎疫情加上限聚令，今年在街頭搞的選民登記活動，未似以往般方便市民，希望未加入選民行列的朋友盡快登記，為自己、為下一代發聲。他仲話街坊拿登記表之餘，不忘撐黨友郭榮鏗，囑咐他們堅持到底。民主黨呼籲大家幫手一齊盡公民責任，登記做選民，守護香港。