建制派在今屆區議會議席大減，今年九月可以出戰立法會「超級區議會」的人選不多，其中作為現屆「雙料議員」的謝偉俊（Paul）會否轉跑道競逐連任備受關注。阿Paul昨同Kelly講，如無意外會積極考慮留在九龍東出選，因為自己已在九龍東任兩屆議員，過去辛辛苦苦開闢到「中立、中產」的路綫，唔想貿然放棄，又話直選的操作始終比「超區」簡單。　

除咗思考連任部署，亦要繼續做實事。阿Paul前日就聯同自由黨榮譽主席田北俊和周梁淑怡，在藍田麗港城免費派發四萬個口罩。阿Paul話，田少贊助的口罩都是優質貨，一盒五十個價值約四百元，前日他們以二十個一包送出，反應好踴躍，一個半鐘就派晒。他指，自己一向與自由黨友好，現時只是擔任田少部署選舉安排新平台的法律顧問，並非正式加入。