不少香港家庭都會聘請外傭，不過難免會遇到惡頂外傭。有港媽指家中外傭不但虐打子女，被解僱後更每天發短信恐嚇她全家。未免再有下個受害者，港媽決定發文揭露罪狀。

港媽指自己第一次請工人就發生悲劇，工人也是第一次來香港，聘請將近1年後實在難頂，港媽報警並炒了工人。工人打傷大女和細仔，「細仔比佢困住廁所電話開YouTube恐怖音樂，大女去到醫院話比醫生聽以前有其他野如打手板、彈咀」。

工人說自己爸爸在深切治療部情況嚴重，疫症期間落口供及社工跟進時間好長，港媽一時心軟讓她回菲律賓。豈料惡夢從外傭3月走後開始，她不停WhatsApp港媽公婆，一個月後更開始騷擾女兒，「開頭話內疚，跟進再請過未必好，叫我再信佢、再跟進send 以前兩個細路生活相比我。今日語氣態度有改變。話唔請翻佢我一家會後悔……恐嚇」港媽更說，外傭很多親戚在香港，擔心她會再來找工作。

網民看完都非常憤怒，「傷害小朋友不能原諒」、「即刻請返佢 ! 一返黎即日帶佢報警」、「樓主一定要寫信去入境，唔可以俾呢啲人再返黎害人」，亦有網民就提醒絕不可以心軟，「同工人返得面，就一定唔可以心軟，因為工人一定會報仇，儘管工人屋企有幾可憐，佢都係傷害你仔女先」。