日本新冠肺炎疫情依然嚴峻，全國緊急狀態將延長至本月31日，兩個女輪住入行的日本殿堂級男神木村拓哉好耐都無得開工，但佢唔怕悶，因為家中有兩隻狗陪佢，加上屋企大，有運動房，日做夜做都唔怕騷擾到人。講返啲狗，睇男神ig，佢啲狗狗嘅出鏡率好高，基本上有木村就有狗狗，最新嘅係佢抱住狗狗午睡，狗狗前世應該做咗好多好事。