余香凝今日開心出席化妝品活動，代表住終於開始回復工作，不過自爆疫情下順道調理身體，肥了十磅，只得個頭可「呃吓人」，原來戒飯多年的她也聽從中醫建議、每天吃飯，但現在要復工，下周同鄭中基演ViuTV新劇《暖男爸爸》，不想站在對方身旁時「太大份」，唯有用極端的方法減肥了。

她透露母親節正日媽咪要開工，明日會與妹妹余潔瀅、媽咪、婆婆食飯提早慶祝母親節，並和妹妹夾份買禮物：「媽咪好擔心我工作少咗、少咗收入，叫我同妹妹唔使送，連家用都唔使畀咁多，不過我都照畀足。」