本港已連續22日無本地確診個案，離28日「零確診」尚欠6日。不過巴士近日再現「手帶人」，有網民見到一名疑似戴電子手帶的少年乘坐269C，懷疑違反14日家居檢疫令。

網民指自己搭269C天水圍去觀塘，驚見戴手帶少年坐在車廂。網民上前問少年是否剛剛到港正返回家中，但對方只回應一句「關你咩事」。網民思考下，如果剛入境準備回家，「唔會係天水圍開出往九龍嘅車囉」，不知如何應對，最後打999報警。警方一開始表示不受理，叫他打去衛生署，其後第二度聯絡警方時終於受理，「已經俾哂所有資料警察，盡力盡咗公民責任」。

網民都感到憤怒，「點解死咁多人啲人都唔醒」、「大聲叫…話呢度有個需要居家隔離嘅男子搭巴士」、「佢哋唔留係屋企，就要搞到我哋要留係屋企喇」。