為配合政府對新冠肺炎的防疫措施，康文署早於3月28日起關閉轄下的戶外免費康樂設施，包括硬地足球場、籃球場、羽毛球場及兒童遊樂場等。不過有網民於大圍友聯盟facebook群組報料，從上載的圖片可見有外傭帶同小朋友在已關閉的田心村附近公園兒童遊樂場玩，小朋友更用封場膠紙箍頸，險象環生，但同行的外傭卻在旁玩電話懶理。

上載的圖片的網民表示，「希望佢嘅父母睇到，唔好再俾姐姐帶小朋友落公園!啲姐姐根本唔會理佢地！ 小朋友走咗去第二度，或者其實比人帶走咗，其實都唔會有人知！」

其後，有網民留言指，「我見過凌晨時間（在大圍）有不足8歲的小童周街跑，無大人陪同，如果再唔洗返學，童黨問題只會越來越嚴重」、「工人唔理好易出事，眼見條繩已經箍落條頸度，同埋公園而家仲未開放，應該在家抗疫」、「小朋友如果去一個解封的公園玩其實無問題⋯⋯但啲膠帶嘅狀況，似係其實未解封」等。