人大、政協兩會將在北京召開，全國政協常委何柱國接受無綫電視《講清講楚》訪問時，回應兩辦早前批立會內會停擺，是因政府及特首「唔郁」，兩辦被迫出聲。

立法會內會停擺惹起社會爭議，港澳辦和中聯辦就事件發聲。何柱國回應事件時稱「佢睇唔過眼吖嘛，𠵱啲事唔係佢哋兩辦做嘅，係香港政府、特首應該做嘅，特首坐喺度唔郁，咁就迫佢講囉，係你迫人講之嘛，你以為佢好想管香港事咩？嗌22條或乜嘢呢，係無謂嘅。你明唔明白呀？香港有支中國嘅五星旗係度，佢地講句說話都錯咩？講句說話都無權咩？」