李克勤和梁榮忠向來合作無間，私家亦是出名的好兄弟，雖然佢哋近年冇咩合作機會，克勤主力返內地開騷搵真銀，忠仔就轉到電台同舞台劇界發展。正所謂朋友係要見嘅，呢日兩人難得抽到時間見過面食餐飯，當然要同家分享吓啦！仲即時勾起網友無限回憶，大家即時開番個懷舊Mode，首先梗係會提返兩人2005年拍檔主持的《殘酷一叮》；同埋1998年佢哋唯一一套合作嘅時裝劇《師奶強人》。不過有網友就好鬼馬話：「咪叮走我」、「忠哥灰發好靚仔」亦有網友關心兩人仲會唔會再合作，「會唔會再有殘酷一叮？」、「又搵梁導演拍MV嗎？」。雖然兩人未有好消息公佈，好似克勤留言度寫住：「喂！老友！」咁就咩都有可能啦！