林作和裕美高調拍拖唔怕激嬲母親,他指女人通常口是心非。
林母反對阿仔同裕美交往,林作反指同樣失婚,兼且感情生活多姿多采嘅媽媽雙重標準,有口話人冇口話自己。
裕美變索,林作挺女友冇整過容,仲話可以搵醫生作證。
林作話經非正式調查,佢係好多女人嘅性幻想對象,唔少女Fans向他索取裸照!
裕美最嬲前夫林恩浩,指離婚後仲搞好多小動作,所以歡迎對方出來跟她對質,澄清外間對她嘅指控。
前度外藉男友係型男,不過試過情緒失控打佢,事後相當後悔,但裕美都原諒咗佢。
辦理離婚其間跟黃子恆有過一段情,她體諒他當日受制經理人先採取龜縮懦弱態度。
Previous
Next
麥明詩舊愛林作戀上失婚裕美,但兩人背景及學歷懸殊,所以戀情未獲林媽媽接受,更揚言兩人堅持結婚生仔的話,就會斷絕母子關係。雖然阿媽唔like女友,但林作無懼阻力及俗世眼光繼續去愛,裕美冧到爆:「咁多個男人,最有安全感係佢。」兩人更互揭「性事」,男嘅懷疑自己不育,女嘅自爆「冇性趣」仲笑男友鍾意自己解決性需要。採訪:方騫平