十年人事幾番新，咁三十年又會翻咗幾多次？英超球隊利物浦等待咗三十年，終於一嘗英超冠軍滋味。對上一次奪聯賽冠軍為一九九○年，可能有讀者當年仍未出世，當年仍未改制做英超，故今次係紅軍首奪英超殊榮。利物浦一搔三十年之癢，作為利物浦多年主要贊助商的渣打銀行，當然要賀佢一賀，實行搞番次大抽獎送簽名波衫！

渣打自二○一○年起一直贊助利物浦，今年係贊助十周年，遇上球隊奪冠，自然要慶祝一番。所以由昨日起至本周六（二十五日）下晝三點，利迷只要在渣打香港facebook專頁留低恭賀紅軍奪冠說話，就可以參加抽獎，有機會得到由領隊高普同一眾一隊球星簽名的二○一九/二○賽季主場球衣及冠軍版球衣。一個球星簽名難求，一隊的簽名球衣更可遇不可求，渣打香港就呼籲利迷立即留言，將呢件見證紅軍奪冠嘅球衣帶返屋企！