《2020香港小姐競選》舉行網上直播，安排洪永城（Tony）做主持，與3位佳麗范倩雯（Charmaine）、陳楨怡（Celina）及侯嘉欣（Michelle）每人一間房，食住「一人火鍋」做直播。直播前5分鐘因設備問題，Tony都未能聽到佳麗聲音，令場面缺乏交流十分尷尬，正如Tony所言是「各有各食」。主持每次只能與一位佳麗對話，另外兩位則十分交戲繼續食，但未到10分鐘已露疲態戰力不足，對話內容亦只限於閒話家常，似直播佳麗食相為主。

被問到主持直播過程有點尷尬？Tony笑言：「大家未Warm up，可能畀罐啤酒佢哋好啲，始終佳麗面對鏡頭經驗不多，又有啲怕醜，熟絡後比較好啲。」Tony笑言，直播後才有機會面對面，可惜無機會真正4人晚餐。問到主持得吃力嗎？Tony表示：「都希望用我哋嘅經驗帶動到佢哋，始終不講話比較蝕底，除非是天生很有氣質。（哪一位比較得到分？）我覺得Charmaine比較主動、談吐比較好，其他兩位儀態都好好。（Michelle低胸吸引到你？）我只專注係海鮮同扇貝上面，哈哈！」