日本天王木村拓哉主演嘅劇集《BG搏命保鑣2》，雖然受疫情影響，不僅經歷停工、延至6月開播，劇集也因此縮減至7集，不過上周大結局收視比起第一季更好，全劇平均收視率達15.6％。木村既然完成咗新劇，近日未使開工，當然留守在家，出名係愛狗之人嘅佢，今日仲幫狗狗理髮，雖然唔知係咪佢親自操刀，但見木村貼出嘅相，貴婦狗Amur身邊一堆狗毛，佢再加留言：「我理髮」。其實呢啲唔使開工嘅日子，木村總有狗狗相伴，噚日就有另一隻貴婦狗Etoile陪佢一齊睇書，搞到木村好似戴咗條毛毛頸巾咁，好鬼搞笑。