上山詩鈉同劉嘉玲真係幾十年老友，見面梗係好肉緊，就算有違限聚令，囡囡Hilary都有份參與。
枱上烏龍茶蛋糕、嘉玲手上巨鑽及兩位「美魔女」同樣吸睛。
56歲上山詩鈉和囡囡Hilary似兩姊妹。
上山囡囡同王菲大女竇靖童由細玩到大，媽咪生日會上，她都係席上客。
上山昨晚正日生日，她與明天牛一嘅表弟張智霖（Chilam）一齊慶祝。
兩表姊弟齊齊許願。
Previous Next
昨日係上山詩鈉56歲生日，喺疫情下，相識幾十年老死劉嘉玲依然盛裝為她慶祝生日，仲攬住扮嘴壽星女，中間相隔一毫米距離。但網友的重點卻是桌面上幾可亂真的「烏龍茶蛋糕」，以及嘉玲姐手上的巨鑽戒指，隔住個mon都閃爆呀！劉嘉玲今日上載與上山詩鈉慶祝，寫上：「Happy birthday my dear小野貓！」

生日慶祝當然少不了女兒Hilary，至今Hilary已經成為亭亭玉立美少女，跟「美魔女」索媽上山詩鈉似足兩姊妹。Hilary貼出賀壽靚相，但低調的她沒有長篇大論，只以emoji代替文字送祝福。而Hilary在的限時動態中，更見到好友王菲大女竇靖童蹤影，可見從小Friend到大的二人早已融入家中。

此外，上山昨晚正日生日則是與明天牛一嘅表弟張智霖（Chilam）一齊切餅慶祝，上山亦留言祝Chilam繼續靚仔及身體健康！