林作早前自稱「西裝達人」並大哂名貴西裝，被時裝編輯狠批衣不稱身。
林作公開網民inbox對話，借網民之力勁寸王貽興寫作能力一般。
畀人鬧完消費《黑豹》男星Chadwick Boseman，林作冇收斂，仲消費埋之前因直昇機意外身亡的球星高比拜仁（Kobe Bryant）。
王貽興IG出post斥林作病毒行銷冇底線，又指佢冇家教，丟晒令壽堂架，啲火燒到幾層樓咁高。
林作鬧王貽興都好重手，話佢小人又話佢冇料，王生睇完應該會嬲豬。
林作與王貽興隔空罵戰，戰況好激烈。
Previous Next
即使轉投保險業界，一向語不驚人誓不休的林作仍不忘博取關注，早前的「4萬5西裝論」已經引起網民聲討。昨日林作又在個人社交平台發表出位言論，引用電影《黑豹》男主角Chadwick Boseman的死訊賣保險，表示：「45歲就大腸癌過身。疾病無從預測。一定要早啲check。check之前，記得搵林作保險。」貼文發佈後，馬上引來大量網民不滿，指責他消費死者。林作堅稱自己冇做錯與網民引發罵戰。連王貽興亦睇唔過眼加入「戰團」，斥責林作消費死者行銷冇道德底線，又指他冇家教，丟晒令壽堂架。