陳倩揚趁迎月夜及中秋節凌晨，老公車佢玩即興，周圍去送禮物畀網友嚟互動。
兩公婆寓拍拖於工作，好Sweet。
喺黑雨期間，兩公婆先喺室內開住live等。
陳倩揚一度擔心天雨壞咗好事。
3子女索媽陳倩揚成功減肥，成為肥師奶努力指標。
倩揚仲fit到有埋條蛇腰。
育有3子女嘅倩揚，堅持keep fit係女人終身事業。
陳倩揚不時喺社交網分享低醣飲食餐單。
之前為咗表揚減肥組員Karly減肥成果，特別安排對方影婚紗相，送上驚喜。
倩揚鼓勵Jenny老師夫婦加油，兩公婆由去年底開始減肥，至今兩人夾埋瘦咗35磅，對比返之前嘅舊相真係瘦咗好多。
陳倩揚自創食得飽，冇壓力減肥方法紅遍網絡，她常以「過來人」身份分享低醣飲食餐單及生活，Facebook專頁已吸納約8萬6粉絲支持，而《你得我得行動組》減肥團激增至7萬5成員加入。為咗鼓勵團友，陳倩揚經常跟成員互動，繼之前為咗表揚學員Karly減肥成果，特別安排對方影婚紗相外，昨晚喺迎月夜，倩揚又搞新意思，同車行合作，由老公充當司機，駕車去港、九、新界即興送禮物，同網友玩互動。
當晚停雨後，兩公婆開始行動，由迎月夜玩到中秋節凌晨兩時多，由銅鑼灣出發先去太古城，再行東隧及大隧到各區，駕車途中倩揚更開腔唱吓歌仔《春夏秋冬》及《月亮代表我的心》助慶，陳生更搞鬼地亂入歌詞，𠱁到倩揚笑得好開心，兩公婆又齊齊食月餅，寓工作於娛樂，sweet爆。
由於首次以咁嘅形式做直播，倩揚顯得相當興奮，大叫好玩。陳倩揚接受頭條娛樂訪問時話，今次中秋迎月即興送禮live有2千幾人睇，玩到凌晨兩點仲有成千人收看，有差唔多一萬個留言，其實今次相當刺激，本來以為黑雨活動要取消，直至等到黃雨過後即時行動。見於反應好，考慮擇日重賽。
