【Juicy叮】外傭只顧玩手機狗狗悶到食草 網民:3個鐘都無郁過
10月30日
網民在「外傭僱主必看新聞訊息」Facebook群組發文,指在荃灣西公園至少碰過該名外傭5次以上,外傭並沒有放狗,只是坐在長凳自己玩電話,狗狗只能好悶地趴在一旁,甚至悶到食草。「如果你係僱主,請儘量自己同狗狗散步。如果請姐姐幫忙,請留意姐姐有冇齋坐悶到狗狗食草,動物唔識講,做主人請多多關心」。
貼文引起關注,網民指「最驚一陣食咗老鼠藥就大件事」、「這個工人連基本同情心都無,殘害狗狗生命」,另外更有街坊留言指,「我日日帶狗狗都行呢條路,見過佢好多次,睇到金毛狗狗由細細隻係地下瞓到大大隻,有次過咗3個鐘佢都無郁過」。