王菀之（Ivana）今日化身巴士司機，駕駛貼有海報嘅雙層巴士繞場一周，宣傳主演嘅新片《阿索的故事》。由於Ivana拍完該片後已經年多冇揸過巴士，所以特別緊張，特別提前一日補鐘。Ivana表示，導演葉念琛邀請她演出時，表明會待她考到牌才開拍，Ivana笑言：「如果個牌要考十年，導演就要等十年，所以責任很大」。不過，Ivana好鍾意揸車，考巴士牌冇難度，她更想落場玩賽車。

在旁嘅林盛斌(Bob)笑指今套戯係Ivana巔峰之作，可以問鼎影后，Ivana完全唔同意Bob講法，反而覺得喺疫情下得到大家支持已十分感恩。