「無錢唔好生仔」言論每每引起熱議，近日一名住公屋的網民在網上投稿，認為住公屋又無上進心的男生不應該結婚生仔，引來網民熱烈討論。

有網民在Facebook專頁「CUHK Secrets」發帖，「覺唔覺得住公屋又無上進心嘅男仔，仲學人追女仔出pool真係好自私？去到30歲點都要plan結婚啦，無父幹無人幫你買樓或俾首期，到時結婚住屋點算？」

網民分享自己的經歷，指父母在結婚時無錢買樓置業，租住劏房一段時間後決定輪候公屋，最後等了幾年成功上樓。有了穩定居所後便接二連三生小朋友，他直言兩老的生仔心態，不過是為了自己到老的時候有子女養。他又指，父母不時催促他早日結婚搬走，好等他們能夠獨佔公屋安享晚年，「完全無喺我角度諗過。」

網民說，由細到大他都過得很辛苦，無錢多限制，直至最近因為疫情需要留家網上上課，令他有感生活更加不堪。常聽人說「窮人無錢但俾到愛孩子」，但網民坦言，如果父母的的人生本已經一塌糊塗，自己都不愛錫自己，根本不可能將愛給予自己的子女，「在此提醒一下各位，無錢不要生孩子！」

網民意見兩極，有人認同他的看法，「講得好好，窮真係有罪，生仔只會累到下一代。有錢先再生，講咩都假，無錢就係罪，大學畢業但搵唔到錢都唔應該生，就係咁」、「見唔少無錢嘅都生三四個…然後問題多多」。

亦有網民覺得即使窮困，同樣有辦法可以活出自己的人生，「（他的例子）引證窮係狀態，貧係心態呢句說話。其實有無錢同生唔生仔唔掛鈎嘅，正所謂有錢好辦事，無錢都有法子」、「人窮志不窮，總有出路，自古如是」、「年輕人，收入係同價值掛鉤，你憑咩覺得，你讀咗大學就會價值暴升，可以咁睇上一代人？佢哋咁窮都捱得到你入大學，應該都付出唔少努力」。