華仔謂今次動作場面過往都做過,所以能夠應付。
華仔坦言墮馬受傷後冇以前咁Fit。
華仔康後靠飲食、運動、生活各方面配合回復狀態。
Previous
Next
劉德華在今年底壓軸登場的續集《拆彈專家2》中有不少肉搏打鬥、奔跑、翻滾飛躍等鏡頭,是他自2017年墮馬意外康復後,最多動作場面的電影。向來做事認真的華仔為求拍出理想效果,連場動作戲份均親自上陣,而且表現自如,沒有半點疲態,事後問他到可有被該等鏡頭難倒?他笑言No Problem:「好清楚自己身體狀況,反而武指、導演會擔心啲,我都叫佢哋唔使擔心。今次爆炸、拳腳動作等場面,過往我都曾經做過,所以能夠應付!不過如果拍攝過程一次唔得、兩次唔得、三次唔得,咁我就會比較辛苦,但導演安排好好,動作場面拍一兩Take就完成。」
除了動作,華仔在片中還有另一幕若隱若現、暗晒胸肌腹肌的畫面也甚有睇頭。華仔說:「老實講,身體自上次受傷之後,冇以前咁fit,我覺得喺體形各方面應該要盡快追返呢25%,當然要飲食、運動、生活各方面配合,身邊嘅人成日都讚我fit,所以劉德華唔fit真係會俾人笑,佢哋嘅鼓勵就是對我的鞭策。」