鄭俊弘經歷過感情缺失，浪子回頭，今日迎娶何雁詩啦！
父母將何雁詩放心交畀鄭俊弘照顧下半生。
何雁詩由媽媽幫她上頭，一臉幸福笑容。
Fred由姐夫為他上頭，驟眼睇兩人好似樣。
何雁詩有個物流業大亨嘅富爸爸，家住大埔5000萬獨立屋，傳外父有六億身家，Fred榮升做六億駙馬。
何雁詩用長腿鉗實Fred，做幸福人妻。
婚前何雁詩泳衣大解放。
Previous Next
36歲鄭俊弘（Fred）今日迎娶有個物流業大亨富爸爸嘅何雁詩（Stephanie），榮升做六億駙馬，恭喜恭喜！今日下午一對新人喺沙田一間酒店舉行婚禮，昨晚一對準新人各自喺社交網出post分享上頭相片，兩人都着上紅噹噹睡衣，笑晒口踏入人生新一頁。

Fred由姐夫為他上頭，開心留言說：「我感受到所有嘅愛！」而Stephanie就由媽媽幫她上頭，寫道：「明天就要嫁給你，今天晚上上頭，一梳梳到尾，咁就大個女啦！」見Stephanie笑容甜到漏，恨嫁恨到出晒面，一切中盡在不言中。網民紛紛留言祝賀，指Fred成家立室大個仔了，要白頭到老及永遠幸福！