劉德華喺電影《熱血合唱團》做指揮家,帶領住林愷鈴演出。
華仔為咗做指揮家,找了「兒童合唱團」的指揮家苦練咗3個月。
對住華仔演𠝹手呢戲幕,令林愷鈴壓力好大。
片中華仔帶住33位素人學生演員演出。
林愷鈴及伍詠詩大讚華仔好nice。
電影《熱血合唱團》中華仔演出同時做埋監製。
Previous
Next
劉德華(華仔)為電影《熱血合唱團》演合唱團指揮家,還身兼監製,原來華仔本身只打算做監製,有意搵素人做指揮家角色,但最終被關信輝導演和劇組說服。為咗演得更神似,他找來「兒童合唱團」的指揮家練習咗3個月的。因為今次他大膽地帶領33位素人學生演員演出,華仔說:「我同其他的演員、導演、編劇不停喺現場搵方向,雖然係難,但開心嘅。最後我哋學到嘅,原來佢哋話,表達同溝通比打拍子更加重要,每個指揮家都有自己獨特動作。」而今次同大班新演員合作,華仔話冇代溝,大家好夾得嚟,而被一班年青人包圍住好有存在感,學會保持青春。
林愷鈴爆同華仔拍對手戲好騰雞
首度演出電影的龔慈恩囡囡林愷鈴(Ashley)飾演迷失,活喺恐慌中嘅中學生,其中一幕她要喺華仔面前𠝹手自殘,她坦言拍攝前壓力好大,但華仔好懂得令對手感到自在:「拍完後因為穿崩見到個咪,我就好擔心要重拍?加上太陽落山又落雨,當時我好騰雞,華仔就安慰我話『唔使驚,𠵱家執圖一點就會消失咗啦!條龍都可以執喺個天度呀!』」另伍詠詩覺得自己演學生群戲時,表現得不太自然,但華仔好懂得搞氣氛,令大家變輕鬆。