【Juicy叮】哥哥女友白食白住逾兩年 網民發文求助:易請難送點做好
11月13日
該名女網民在討論區以「求救!哥女朋友長住屋企 易請難送 應該點做好」為題發表帖文,指哥哥的女友進駐家中已經2、3年,二人暫時未有結婚打算。由於樓主是留學生,原本每年只會在家短住約一個月,但由於近日疫情關係,留家已經半年,她與哥哥女朋友的磨擦亦因而加深。
她在文中指出,哥哥的女朋友衛生習慣差,不時將用過的口罩胡亂擺放,其個人物品亦放滿衛生間,甚至對方在疫情初期時去完旅行後,亦拒絕隔離,堅持留在樓主家中。樓主又指,哥哥女友初時搬至家中時,未有問過樓主父母,而兩老雖然亦對兒子女友不滿,但擔心兒子不開心,遂「以和為貴」未有講出口,僅作暗示。
樓主不滿稱,「我真係覺得我住屋企住到好似我先係外人咁」,「好想請佢走,但諗左好耐都唔知點講,真係好似鬼咁易請難送!佢而家仲要改哂啲信嘅地址,去哂我屋企!」,又指對方連水電煤飯錢都沒有出過,平日買便宜貨就當貢獻,「搞到好似我爸媽要養多個女咁」,並又向網民請教如何婉轉叫對方搬走。
帖文引起不網民討論,有人留言建議「執好佢啲行李,丟出垃圾房換鎖」、「同你哥哥講清楚囉,佢女朋友唔搬,咪叫你呀哥自己搬出去住囉」、「一係你帶個男朋友返去住,大家公平啲,或者叫你哥俾多啲家用填返女朋友嗰份」,不過亦有網民認為樓主麻煩,「其實全部都好小事,生活習慣唔同咪傾下囉」、「你對個女仔太有成見喇」、「樓主心態都有啲問題,小心眼」。