網上討論區「親子王國」有港媽發文，港媽透露，因交不起高昂租金，申請了公屋6年未有結果，一家三口與家翁、家婆以及小姑同住，但經常與小姑發生口角，大呻希望早日搬出去分家。

這位港媽炮轟年過三十的小姑是「毒姑」令她忍無可忍。最近反目之後，小姑常常做瑣碎事惹怒她，例如好大力關門，例如噴到一屋都是香水味，港媽形容味道俗到猶如身處色情場所，港媽抱怨「我依家盡量忍，因為好驚經常同佢吵會影響我小朋友。只係想搵哋方呻」。

港媽又揶揄小姑是「老姑婆」，「已唔會諗佢幾時嫁就等於自己幾時可甩難」。她又引述小姑稱不結婚因兄嫂在家阻礙，港媽則揚言一定會在夫家「堅持住耐啲...希望佢講得出做得到，成全佢因為我住係度，所以唔嫁。放長眼睇下究竟係咪因為我而唔嫁」。