適逢近日為聖誕節長假，但在疫情持續下，不少市民亦選擇留在家中。然而，有女網民卻在網上討論區發文指，其15歲弟弟每日亦困在房間內6小時，並扮作港鐵車長模擬駕駛地鐵，令她不禁崩潰地發文求救。

該名網民昨日在連登討論區以「有無人知我細佬咩事？」為題發文，並指在聖誕節長假期間，其15歲弟弟在每日亦會困在房間內模擬駕駛港鐵，並會將房間變成駕駛室，而且連聲音等細節亦會完全跟從實際情況。樓主續指，每日亦會聽到他在房間內以3種語言，包括中文、英文及普通話，說出「下一站xxxx 左邊車門打開」，亦會模仿港鐵行駛時所發出的聲音。

樓主又指，其弟弟在「駕駛」期間，即使遇到家中的外傭拍其房門，亦不會回應或開門。直到在「到站」後才會打開房門，並指「然後每個站都企出嚟睇一睇，再入返去」。樓主續指，「佢係真係做到好專業咁，站同站之間用幾多時間真係跟足，例如油塘去鰂魚涌過海真係耐好多先到站開門」，並直言「間唔中玩下唔緊要， 但一日最起碼用6小時就有問題」。樓主又指，自己已忍無可忍，並批評他「有書唔溫，做埋呢啲嘢」，但亦對相關情況甚為擔心，並在帖文中向其他網民求救，又指「我諗緊如果帶佢搭多啲地鐵會唔會好啲... 會唔會係佢太掛住地鐵？」

相關帖文引起網民熱議，有人留言指「將來佢一定係個叻仔嚟 唔好阻佢搵夢想啦」、「有次係公司樓下遇到個做足呢啲行為嘅人」、「我細佬都係咁，不過佢係巴士」、「好正，好欣賞佢，一樣野做到極致就係型」等。另有網民則指，「你細佬係咪有自閉症？通常自閉症學生先鍾意模仿某啲情境。。。」、「樓主有冇同細佬傾過，了解下佢諗法？唔知關唔關事，但覺得可以同佢傾下計先」等。樓主則回應指，「醫生話佢純內向，唔係自閉」。